ئێکەتیا ئۆرۆپا هۆشداریێ ددەتە رۆسیا
بەرپرسێ پەیوەندیێن دەرڤە یێ ئێکەتیا ئۆرۆپا راگەهاند رۆسیا د مانۆرا ڤێ دووماهیێ یا سەربازی دا چەکێ ئەتۆمی تاقی کریە، ئەو یەک دێ مەترسیەکا گەلەک مەزن بۆ ئۆرۆپا و جیهانێ هەبیت، تاقیکرنا چەکێ ئەتۆمی ژ ئالیێ رۆسیا ڤە دێ جیهانێ بەر ب رەوشەکا دی بەت، ئەو یەک دێ رێ بۆ کارەساتێن مەزن ڤەکەت و ب چو رەنگەکێ ژی ناهێتە قەبوول کرن.
جۆزپ بوریل ئەو یەک ژی دیار کر، وان هەتا نها گەلەک بزاڤ کرینە دا رۆسیا شەرێ ل ئۆکرانیایێ ب دووماهی بینیت، لێ دیارە پۆتینی دڤێت دەست ب ئێرشێن نوو و دژوار ل دژی ئۆکرانیایێ بکەت و تاقیکرنا چەکێ ئەتۆمی ژی ب فەرمانا پۆتینی بوویە، ئەو یەک ل دژی قانوونێن نێڤدەولەتی یە و دێ مەترسیا خوە بۆ هەموو جیهانێ هەبیت، دڤێت رۆسیا دەست ژ ڤی کارێ مەترسیدار بەردەت و کار بۆ راگرتنا شەرێ نها ل گەل ئۆکرانیایێ بکەت.
