ئێکەتیا ئۆرۆپا هۆشداریێ ددەتە رۆسیا
وەزارەتا بەرگریێ یا ئۆکرانیایێ راگەهاند، رۆسیا ستراتیژیا خوە یا شەڕی ل ئۆکرانیایێ گوهۆڕیە و نها رۆسیا دڤێت ژێرخانا وزێ یا ئۆکرانیایێ ب تەمامی ژناڤ ببەت و ئەو یەک دێ کاریگەریەکا گەلەک خراب ل ئۆکرانیایێ و هەموو ئۆرۆپا کەت و دڤێت رێگری ل رۆسیا بهێتە کرن.
ل ئالیێ دی جۆزپ بۆریل بەرپرسێ سیاسەتا دەرڤە یا ئێکەتیا ئۆرۆپا ژی راگەهاند، رۆسیا د شەڕێ ل ئۆکرانیایێ دا هەتا نها یا سەرکەفتی نەبوویە، ژ بەر ڤێ یەکێ ژی نها رۆسیا دڤێت زیانێن مەزن بگەهینە ژێدەرێن وزێ ل ئۆکرانیایێ، ئەو یەک دێ بیتە ئەگەرێ روودانا کارەساتێن مەزن و بێگومان هەکە رۆسیا تشتەکێ وەسا بکەت ئەو یەک تاوانە ل دژی مرۆڤایەتیێ، وەلاتێن ئێکەتیا ئۆرۆپا ب چو رەنگەکێ ل هەمبەر بزاڤەکا وەسا یا رۆسیا بێدەنگ نامینن، دڤێت وەلاتێن جیهانێ ژی رێ نەدەن رۆسیا کارەکێ وەسا بکەت، چونکی ئەو یەک دێ کاریگەریا خوە ل سەر هەموو جیهانێ هەبیت.
