ئێکەتیا ئۆرۆپا چار کۆمپانیێن ئیرانێ سزا ددەت
جۆزیپ بۆریل بەرپرسێ سیاسەتا دەرڤە یا ئێکەتیا ئۆرۆپا راگەهاند، ئیران هەتا نها ژی درۆنان ددەتە رۆسیا و ل ئالیێ دی ئیران قانوونێن نێڤدەولەتی ژی بنپێ دکەت، پشتی ئالۆزیێن ڤێ دووماهیێ هەتا نها ئیرانێ ب دەهان چالاکڤانێن مەدەنی و گرتیێن سیاسی ل سێدارە داینە و ژ بەر هندێ ژی چار کۆمپانی و پتر ژ ١٠ بەرپرسێن ئیرانێ ژ ئالیێ ئێکەتیا ئۆرۆپا ڤە هاتینە سزادان.
ناڤهاتی ئەو یەک ژی دیار کر، هەتا ئیران سۆزێن خوە بجه نەئینیت و دەستان ژ کارێن خوە بەردەنەت ئەو وەکو ئێکەتیا ئۆرۆپا بەرهەڤ نینن ل گەل ئیرانێ دەست ب قۆناغەکا نوو بکەن.
