ئێکەتیا تەپا پێ ھەموو چالاکیێن خوە ل زاخۆ راگرتن
ئەڤرۆ نیوز:
ئێکەتیا تەپا پێ یا کوردستانێ د کومبوونا خوە یا ئەڤرۆکە دا بریار دا ھەموو چالاکیێن خوە یێن وەرزشی ل زاخۆ رابگریت ب شێوەکێ بەروەخت.
ئەڤ بریارا ئێکەتیا تەپا پێ یا کوردستانێ ھاتە پێش پشتی ل حەفتیا بوری ژڤان دابوو کارگێریا یانا زاخۆ ل بارەگایێ ئێکەتیا وان ئامادەبن ژ ئەگەرێ ئامادەبوونا جەماوەری د یاریا ناڤبەرا زاخۆ و زێرەڤانی دا ل حەفتیا بوری کو بریاربوو ئەڤ یاریە بێ ئامادەبونا جەماوەری ھاتبا ئەنجامدان ژ ئەگەرێ سزادانا ڤێ یانێ.
ئێکەتیا تەپا پێ د کومبوونا ئەڤرۆکە دا بریار دایە ب شێوەکێ بەروەخت ھەموو چالاکیێن خوە ل زاخۆ راگریت ھەتاکو کارگێریا یانا زاخۆ ھەتا رۆژا شەمبیا بھێت ل بارەگایێ ئێکەتیا وان ل ھەولێرێ ئامادەبیت بەروڤاژی دێ یانە ژ ھەمو چالاکیێن ڤێ ئێککەتیێ ھێتە راگرتن.
