ئێکەتیا تەپا پێ یا عیراقێ ھەمی لژنە ھەلوەشاندن
ئەڤرۆ نيوز:
ئێکەتیا تەپا پێ یا عیراقێ د کومبونەکا نە ئاسایی دا بریار دا ھەمی لژنێن سەر ب ئێکەتیا وانڤە بھێنە ھەلوەشاندن بێ کو ئەگەر بھێنە دیارکرن.
ئێکەتیا تەپا پێ یا عیراقێ د بەیانامەکێ دا بەلاڤکریە وان بریار دایە ھەمی لژنێن سەر ب ئێکەتیا وانڤە بھێنە ھەلوەشاندن و دوبارە ھندەک لژنێن دی بھێنە پێکئینان ل دووڤ رێنما و رێکاریێن نوو.
ئێکەتیا عیراقێ د ڤێ بەیانامێ دا ئەگەرێ ھەلوەشاندنا ڤان لژنا دیارنەکریە، لێ ب تنێ بڕیارا ھەلوەشاندنێ ھاتیە دان.
دھێتە زانین ل ئێکەتیا عیراقێ یا تە پاپێ ئەوا نوکە عەبدولخالق مەسعود سەروکاتیا وێ دکەت چەند لژنە ھەنە بۆ بڕێڤەبرنا ھەمی کارێن د ڤێ ئێکەتیێ دا دھێتە کرن وەکو لژنا دادڤانان و لژنا بەریکانەیان و یا راھێنەران زێدەباری لژنێن ھونەری و کاروبارێن یاریکەران و ئافرەتان.
