ئەتلەسا كوردستانێ دیرۆكا كەڤنارا كوردان و جهنشینێن وان دیار دکەن
شاهۆ فەرید:
شیان مەهدی كانیساركی، بەرپرسێ ئەكادیمیا جیهان تایێ دهۆك، د دیدارەكێ دا بۆ رۆژنامەیا ئەڤرۆ گۆت: ئەڤ ئەتلەسە تاپۆیەكا باوەرپێكریا بۆ خودانیا ئەڤێ ئاخێ شاهد حالا دیرۆك و جوگرافیێ یە، داگیركەران و كۆلۆنیالیزما هەولدایە ئەڤێ راستیێ بەرزەبكەن، بەلێ ئەڤێ پەرتووكێ هەر ژ 997 هەتا 1964زاینی دیاركریە، دكتور نەوزاد باجگێریی ئەڤە ماوەیێ هەشت سالان بۆ كارسەر كۆمڤەكرنا ئەڤان نەخشەیان دكەتن وهەموو دیاركرینە، پتری 148نەخشەیێن كوردستانێ یێن بەربەلاڤ و بەرزە دیاركرینە، ئەو ئەرشیفێ پەرتووكێن بیانی دا ڤەشارتی د ئەتلەسا كوردستانێ دا كۆمڤەكرینە، كارێ ڤەكۆلەر و توێژەیێن بسپۆرێن ئەڤان بۆاران ئاسانترلێكریە، بۆ قوتابیێن ئەكادیمی دشێن بێژین نیڤەك مە ئامادەكریە یا مایی ئەركێ وانایە.
زێدەتر گۆت: چاپا ئێكی یا ئەڤی بەرهەمی سالا 2023ێ هاتیە بەلاڤكرن بوویە جهێ سەرەنج و بایەخا ڕەوشەنبیرو ڤەكۆلەریێن بیانی و ناڤخوەیی، پشتی ئەڤ سالە چاپا دویێ ژی هاتیە بەلاڤكرن بەرەف كێمبوونێ یە بەرهەڤی بۆ چاپا سیێ ژی دهێنەكرن، نەخشەیێن دیرۆكێ ئێك دووف ئێك هاتینە رێزبەندیكرن، كەڤنترین نەخشە (بلاد الاكراد) ژلایێ جۆكرافیناسێ موسلمانان خەلكێ نسێبینێ (ابن حقول) هاتیەكێشان، پتریا دەستخەتان ژ ئەرشیڤێ عوسمانیێن توركیا و ئەمریكا و ئەلمانیا و فرەنسا و بەریتانا هایتنە وەرگرتن.
