ئەحمەد سەبری نهێنییا چوونا خوە بۆ یانەیا جەوییە دیاركر
شاهۆ فەرید:
د داخویانیەكێ دا ئەحمەد سەبری كوڕێ باژێرێ سێمێلێ یاریزانێ نوو یێ یانەیا قوە ئەلجەوییە یا بەغدایی بۆ رۆژنامەیا ئەڤرۆ دیاركر گرێبەستا وی بۆ ماوەیێ ئێك وەرزە دگەل یانەیا جەویە كو ئێك ژ یانەیێن مەزن و ناڤودەنگن دێ بۆ من تشتەكێ نوو بیت یانەكا هوسا مەزن گرێبەستێ دگەل ئیمزابكەم، ئەڤە پێنگاڤەكا باشە من نەڤیا ژ دەست بدەم چۆنكو دێ پتر نێزیكی هەلبژارتیێ ئیراقێ بم هەكە دەلیڤە پەیدابوو كو یاریێن ڤاڤارتنێ ژی پشكداربم.
زێدەتر ناڤهاتی گۆت: دەستپێكێ دێ بزاڤێ كەم ئاستەكێ بلند پێشكێشبكەم دناڤا پێكهاتەیێ یانەیێ دا، گەلەك ئۆفەر بۆ من هاتبوون ژ یانەیێن دهۆك، زاخۆ، هەولێر، نەورۆز، تەلەبە، ئەلگەرمە و نەجەف هەروەسا نەفت دخواست دگەل وان یێ بەردەوامبم، هەستەكێ گەلەكێ خوەشە ئەڤی وەرزی دگەل هەڤالێ خوە سیپان سەدیقی ل ئێك تیم یاریێ بكەن و هێڤییا من ئەوە بشێم ئاست و ئەنجامێن باش دەستڤەبینین.