ئەحمەد قاسم: ئولومپیا کوردستانێ یا نە قانونی یە و ئێکەتیێن کوردستانێ ژی د زێدەنە
ئەڤرۆ:
بەرپرسێ نوونەراتیا دھوک یا لژنا ئولومپی یا کوردستانێ دیارکر کو ئولومپی یا ھەرێما کوردستانێ یا نە قانونی یە ژبەکو چو یاسا نینن و ژبەر ھەبونا ڤێ لژنێ ماوێ شەش سالانە ئولمپی یا عیراقێ ھاریکاریا وان بریە و رەزامەندی ل سەر مەزاختنا ٣٥٠ ملیون دیناران ھاتیە کرن بو کارو چالاکیان.
ل دۆر نەبونا قانوونا لژنا ئولومپیا کوردستانێ گۆت: ل سالا ٢٠٠٣ لژنا ئولومپیا کوردستانێ دروست بویە، لێ ھەتا نوکە قانوونەکا تایبەت بۆ نە ھاتیە پەسەند کرن ژبەر ھەبونا بوچونێن جودا و یا ژ ھەمیا گرنگتر ئەوە، ھەرێما کوردستانێ سەربەخویا خوە وەرنەگرتیە و نابیت د وەلاتەکی دا دو لژنێن ئولومپی ھەبن و دانانا لژنا ئولومپی یا کوردستانێ و ئێکەتیێن وەرزشی تشتەکێ زێدەبوو ژ بەرکو چ کار نینن بکەن و دیسان پێکئینانا ھەلبژارتیێ کوردستانێ یێ تەپا پێ ژ بەرکو نەشێت پشکدایێ د قارەمانێن فیفایێ دا بیت، لێ دانانا نوونەراتیێن لژنێن ئولومپی یێن یێن پارێزگەھێن ھەرێمێ شەرعیەتا خوە ھەیە ژ بەرکو ھەلبژارتن کرینە و نوونەراتیا ھەردو ئولومپیێن ھەرێمێ و عیراقێ دکەت و مە پەیرەوێ کارێ خوە ژی ھەیە، بەروڤاژی لژنا ئولومپیا کوردستانێ کو ب بریار ھاتینە دانان و ئەڤ چەندە نە یا شەرعیە ژ بەر ڤێ چەندێ ئەو پشتەڤانیا لژنا ئولومپیا عیراقێ بۆ مە دکر ژ سالا ٢٠٠٩ وەرە بڕیە و تنێ مایە ھەیڤانە لژنەیا ئولومپیا کوردستانێ کوژمێ پازدە ملیون دیناران دھنێریت بۆ موچەیێن فەرمانبەران زێدەباری کوژمێ حەفت ملیونان ژ لایێ بەرێز ھیمداد بارزانی ڤە بومە بو چالاکیان.
دەربارەی سیستەمێ نوکە یێ وەرزشا کوردستانێ گۆت: بەرسڤا ڤێ پرسیارێ پێدڤی ب فەلسەفێ یە ژ بەرکو ل کوردستانێ پێدڤی ب دادپەوەریا جڤاکی یە و ھەمی کەس ل ئێک ئاست بن دیسان سیستەمێ وەربەرھێنانێ بۆ یانان بھێتە دابینکرن ژ بەرکو د ڤان کاودانان دا پارێ کوردستانێ ھەمی تێرا یانێن وەرزشی ناکەت.
زێدەتر دکتور ئەحمەد قاسم دیارکر کو ٢٩ ئێکەتیێن وەرزشی ل نوونەراتیا وان ھەنە، لێ ھەمی د کارا نینن و بریار ھاتیەدان ئێکەتیێن یاریێن ئاڤێ و ھەسپ سواریێ و موای تای و پزیشکا وەرزشی بھێنە راوەستاندن ژبەرکو ئەف جورە وەرزشە ل پارێزگەھا دھۆک نینن، لێ ھێشتا ماینە ژبەرکو ل پارێزگەھێن دی ھەنە و مەزاختیێن وان ژی نە ھاتینە بڕین، سەرەرای وێ چەندێ کو ژ ھەیڤا دەە یا سالا بوری چو پارە بۆ نە ھاتینە، ھەتا پارێزگەرێ دھۆکێ سەرەدانا وان کری و ب سوپاسی ڤە کوژمێ زێدەتر ژ ١٢ ملیونان قەرێن وان ئەداکرین و کوژمێ ١٠ ملیون دیناران داناینە بەر دەست کارێ خوە پێ بکەن، ل گەل مووچێ ھەیڤەکێ بۆ فەرمانبەرێن نوونەراتیا دھۆک و ژێ ھاتیە خواستن بۆ ئەنجامدانا چالاکیێن وەرزشی بودجەیەکێ بەرھەڤ بکەن کو ھەمی ئێکەتین وەرزشی چالاکیێن خوە بکەن و ژ پارێزگاری خواست کوژمێ ٣٥٠ ملیۆنان بھێنە دابینکر و رازەمەندی ل سەر ھاتیە کرن
و ھەتا نوکە دو قست داینێ کو دبنە ١٠٠ ملیون دینار.
بەرپرسێ نوونەراتیا دھۆک ل دۆر نە پشتەڤانیا ھەلبژارتیێ پارێزگەھێ یێ یاریێن مەیدانێ گۆت: ھەلبژارتیێ پارێزگەھێ یێ یاریێن مەیدانێ بێ رەزامەندیا مە پشکداری د قارەمانیا عیراقێ دا کریە ل بەغدا و بەری پشکداریێ سەروکێ ئێکەتیا پارێزگەھێ داخوازا ھاریکاریێ کر و دووڤ دا ھاتە خواستن رۆژەکێ ل بارەگایێ نوونەراتیا دھۆک بەرھەڤ بیت داکو ل دوڤ شیانا ھاریکاریا وان بکەن لێ بەرھەڤ نەبون و پشکداری کر و ب دیتنامن پێدڤیە بھێنە سزادان ژبەرکو نابیت بێ رەزامەندی ھەلبژارتیێ پارێزگەھێ پشکداریێ بکەت.
دکتور ئەحمەد قاسم دەربارەی کو ئەو کەسەکێ سودمەندە د وەرزشێ دا گوت: کەسەکێ ئەکادیمی و مەیدانی مە بیاڤێ وەرزشێ دا و د ڤی ماوێ کارکرنا من دا دخوازم کەسەک سودمەندیا من ئاشکرا بکەت و چەند کەس ھەبون داخواز ژ مە دکر ل گەل یانێ بۆ بەغدا ببەین کو برێکا یانێ بازرگانی دکر، لێ ھەر کەسێ بەرپرسیارەتیا جھەکی وەردگریت دێ ھێتە تاوانبارکرن ب کەسەکێ سودمەند.
دەربارەی کو چەندین سالە بەرپرسێ نوونەراتیا دھۆک یا لژنا ئولومپی یە و ئەڤ پوستە د دەستدایە دیارکر وی ب رێکا ھەلبژارتنان ئەڤ پوستە وەرگرتیە وشیایە سەرجەمێ ٢٥ پشکداران دەنگێن ھەمیان ب دەستڤە ببەن و ھەکە ژێ نە درازی بان ب ڤی شێوەی دەنگ نە دبرن و ل گەل ھەمی بەرپرسێن وەرزشی ل پارێزگەھێ رێککەفتینە کو نابیت ئێکەتیێن وەرزشی یێن پارێزگەھێ و نوونەراتیا دھۆک ژ دو خولان زێدەتر بمینە د پوستێن خوە دا داکو دەلیڤە بۆ کەسێن دی بھێتەدان.
ل دووماھیێ ناڤبری ئەو چەندە ژی رەدکر کو وی بارەگایێ نوونەراتیا دھۆک یا لژنەیا ئولومپی بۆ کارێن خوە یێن تایبەت ب کارئینابیت ژبلی رۆژێن سێشەمبی و پشتی داواما فەرمی ل گەل چەند برادەرێن خوە کو ماموستایێن زانکو و پەیمانگەھا وەرزشی نە پێکڤە کوم دبن.
