ئەردۆغان داخوازەکێ ژ کوردێن سووریێ دکەت
رەجەب تەیب ئەردۆغانێ سەرۆک کۆمارێ تورکیا ل باژێرێ مەلازگرد یێ باکورێ کوردستانێ ئاخڤی و دیار کر، وەکو تورکیا وان دڤێت هەموو پرسێن هەی چارەسەر بکەن، ئەو کار بۆ برایەتیا کوردان و تورکان دکەن و هەتا نها کارێن گەلەک باش ژی هاتینە کرن.
سەبارەت ب سووریێ ژی ئەردۆغانی دیار کر، وان دڤێت ل سووریێ کورد بگەهنە مافێن خوە، گرنگە کورد بەرێ خوە بدەنە ئەنقەرە، هەکە کورد تشتەک وەسا نەکەن دێ رەوش ئالۆزتر لێ هێت، چونکی هندەک هێز ناخوازن رەوشا سووریێ و تورکیا ئارام بیت و کار بۆ ئالۆزیان دکەن، دڤێت هەسەدە نەبیتە پشکەک ژ ئالۆزیێن ل سووریێ، هەکە ئەو بەرێ خوە بدەنە تورکیا و شامێ دێ هەموو پرسێن هەی هێنە چارەسەرکرن و ئەو ژی دێ سەرکەڤن، لێ هەکە وەسا نەکەن دێ تووشی زیانێن گەلەک مەزن بن، گرنگە هەسەدە و یێن ل گەل وێ هێزێ نە نەبنە ئەگەرێ ئالۆزیێن نوو.
