ئەردۆغان: د چەندین بیاڤان دا مە ناکۆکی ل گەل ئەمریکا هەنە
سەرۆک کۆمارێ تورکیا رەجەب تەیب ئەردۆغان د چارچۆڤێ سەرەدانا خوە یا بۆ ئەمریکا دا بۆ دەزگەهێن راگەهاندنێ ئاخڤی و دیار کر، وەکو تورکیا د هندەک بابەتێن سراتیژی یێن گرێدای ئاسایشا نەتەوەیی یا تورکیا دا وان ناکۆکی ل گەل ئەمریکا هەنە، لێ د ڤان دەمێن دووماهیێ دا پەیوەندیێن تورکیا و ئەمریکا باش بووینە و وان دڤێت باشتر ژی ببن.
سەرۆک کۆمارێ تورکیا ئەو یەک ژی دیار کر، مە دڤێت ئەمریکا پشتەڤانیێ ل پەکەکێ، یەپەگێ و جەماعەتا فەتحوللا گویلەنی نەکەت، هەروەسا مە دڤێت ئەمریکا وەکو ئەندامەکا ناتۆ سەرەدەریێ ل گەل تورکیا بکەت، مخابن د ڤان بابەتان دا ئاریشەیێن مە ل گەل ئەمریکا هەنە.
