ئەردۆغان: سەردەمەک نوو ل رۆژهەلاتا ناڤین دەستپێکریە
رەجەب تەیب ئەردۆغانێ سەرۆک کۆمارێ تورکیا بۆ دەزگەهێن راگەهاندنا وی وەلاتی دیار کر، ئێدی وەلاتێن رۆژئاڤایی نەشێن وەکو سەدسالا بۆری سیستەمەکێ ل گۆر بەرژەوەندیێن خوە ل رۆژهەلاتا ناڤین دروست بکەن، نها رۆژهەلاتا ناڤین بەر ب گوهۆڕینێن مەزن ڤە دچیت و وەکو تورکیا ئەو دێ یا پێدڤی کەن دا بەرژەوەندیێن تورکیا ل سەر ئاستێ جیهانێ و رۆژهەلاتا ناڤین بهێنە پاراستن، نابیت جارەکا دی وەلاتێن رۆژئاڤایی ل گۆر بەرژەوەندیێن خوە سیستەمەکێ نوو ل سەر خەلکێ دەڤەرێ بسەپینن.
ئەردۆغانی سەبارەت ب قۆناغا نوو یا ئاشتیێ ل تورکیا ژی دیار کر، هەکە پەکەکە چو ئاستەنگان دروست نەکەت دێ تشتێن گەلەک باش هێنە کرن و ئەو یەک د بەرژەوەندیا هەموو گەلێن تورکیا دایە، لێ هەکە پەکەکە ئاستەنگان دروست کەت ئەو دێ ب ئۆپەراسیۆنێن سەربازی یا پێدڤی ل دژی وان کەن.
