ئەردۆغان: چو ئاستەنگ ل هەمبەر قووناغا ئاشتیێ نینن
رەجەب تەیب ئەردۆغانێ سەرۆک کۆمارێ تورکیا دیار کر، قووناغا ئاشتیێ ل تورکیا ب رەنگەکێ باش برێڤە دچیت، هندەک ئالی هەنە دخوازن ئاستەنگان دروست بکەن، لێ هەموو هێزێن سیاسی یێن تورکیا پێکڤە کار دکەن دا قووناغا ئاشتیێ بگەهیتە ئارمانجا خوە، ژ بەر ڤێ یەکێ ژی وەکو تورکیا یا پێدڤی بۆ پێشڤەبرنا قووناغا ئاشتیێ دهێتە کرن.
سەرۆک کۆمارێ تورکیا ئەو یەک ژی دیار کر، نەمانا تیرۆرێ دێ بیتە ئەگەرێ بهێزبوونا تورکیا، بێگومان هندەک هێز هەنە ناخوازن رەوشا تورکیا یا باش بیت و وان دڤێت هەردەم ل تورکیا ئالۆزی هەبن، ژ بەر ڤێ یەکێ ژی ئاستەنگان دروست دکەن، لێ گەلێ تورکیا پشتەڤانیێ ل ئاشتیێ دکەت و ئەو یەک ژی گەلەک یا گرنگە و نها پتر ژ هەر دەمەکێ پێدڤیا تورکیا ب ئاشتیێ هەیە، وەکو ئاکپارتی ژی ئەو دێ ب رێیا کۆمسیۆنا پەرلەمانی یا پێدڤی بۆ پێشڤەبرنا قووناغا ئاشتێ کەن.
