ئەردۆغان: ڤێ مەهێ دێ کۆنگرەیێ ٨ یێ ئاکپارتیێ ساز کەین
رەجەب تەیب ئەردۆغان سەرۆک کۆمارێ تورکیا و سەرۆکێ ئاکپارتیێ دیار کر، کۆنفرانسێن ئاکپارتیێ ل هەر ٨١ پارێزگەهێن تورکیا ب دووماهی هاتن و ل رۆژا ٢٣ ڤێ مەهێ دێ کۆنگرێ ٨ یێ ئاکپارتیێ ساز کەین و دێ گەلەک گوهۆڕینێن مەزن ژی کەین.
ئەردۆغانی ئەو یەک ژی دیار کر، رۆژهەلاتا ناڤین بەر ب گوهۆڕینێن مەزن ڤە دچیت و بێگومان گوهۆڕینێن نها کاریگەریا خوە ل تورکیا ژی کرینە و دڤێت وەکو تورکیا ئەم خوە بۆ هەر گوهۆڕینەکێ بەرهەڤ بکەین، گێرانا کۆنگرێ ٨ یێ ئاکپارتیێ ژی د دەمەکێ وەسا هەستیار دا گەلەک گرنگە و بێگومان سەرکەفتنا کۆنگرێ ئاکپارتیێ دێ هێزەکا دی یا مەزن دەتە هەموو تورکیا، چونکی ئاکپارتی پارتا هەموو تورکیا یە و سەرکەفتنا ئاکپارتیێ دهێتە رامانا سەرکەفتنا هەموو تورکیا، چونکی ئاکپارتیێ سەلماندیە ئەو دشێت خزمەتا هەموو وەلاتیێن تورکیا بکەت.
