ئەردۆغان: کەس نەشێت بەحسێ دادگەهێن تورکیا بکەت
رەجەب تەیب ئەردۆغانێ سەرۆک کۆمارێ تورکیا راگەهاند، سزادانا دەمیرتاش و هەڤالێن وی بابەتەک ناڤخوەیی یێ تورکیا یە، دادگەهێن تورکیا ژی ل گۆر یاسایا تیرۆرێ سەرەدەری ل گەل وێ روودانێ کریە و سزایێن پێدڤی وی ل سەر وان کەسان هاتینە سەپاندن، لێ مخابن هندەک کەس ل تورکیا و دەرڤە بەحسێ سەربخوەیا دادگەهێن تورکیا دکەن و دبێژن دادگەهێن تورکیا سەربخوە نینن، دەمێ بریارەک ب دلێ وان نەبیت دێ وەسا ئاخڤن.
سەرۆک کۆمارێ تورکیا ئەو یەک ژی دیار کر، مافێ چو کەسەکێ و وەلاتەکێ نینە بەحسێ دادگەهێن تورکیا بکەت، ل تورکیا قانوون و دادگەه سەربخوە نە و کارێن خوە دکەن، سزایێن ل سەر وان کەسان ژی هاتینە سەپاندن د جهێ خوە دانە و نابیت ل هەمبەر تێکدانا رەوشا ناڤخوەیی یا تورکیا بێدەنگ بین.
