ئەردۆگان: ئاوارێن سووری دێ ل عەفرین و ئدلبێ بجه کەین
ئەڤرۆ نیوز:
سەرۆک کۆمارێ تورکیا رەجەب تەیب ئەردۆگانی بەری دەمەکێ راگەهاند کو ئاوارێن سووری ئەوێن نها ل تورکیا نە دێ ڤەگەرنە ڤە وەلاتێ خوە و گۆت: (نها عەفرین، جەرابلوس و ئدلب دەڤەرێن ئارامن و ل ژێر کۆنترۆلا ئۆپۆزسیۆنا سووریێ دانە و ئاوارێن سووری ژی دێ ل وان دەڤەران هێنە بجهکرن).
ئەو یەک د دەمەکێ دایە کو بەری نها ژی چەندین جاران پارتێن کوردی یێن رۆژئاڤایێ کوردستانێ دیار کربوون ئارمانجا ئەردۆگانی ژ دەڤەرا ئارام گوهۆرینا دیموگرافیا رۆژئاڤایێ کوردستانێ یە، چونکو تورکیا دڤێت ئاوارێن عەرەب یێن سووری ل دەڤەرێن کوردی یێن رۆژئاڤایێ کوردستانێ بجه بکەت.
