ئەردۆگان خوە ب سەرکەفتیێ ڤێ پێنگاڤا ترامپی دبینیت
ئەڤرۆ نیوز، هۆشەنگ تاجر:
ئەحمەد ئایهان چاڤدێرێ سیاسی یێ باکورێ کوردستانێ بۆ ئەڤرۆ نیوز دیار کر کو بریارا ترامپی ل تورکیا ب گەرمی هاتە پێشوازی کرن و دەزگەهێن راگەهاندنا تورکیا ب تایبەتی ژی یێن نێزیکی ئاکپارتیێ ئەردۆگانی وەکو سەرکەفتیێ ڤێ پێنگاڤێ ل قەلەم ددەن و دبێژن دێ ل دەمەکێ نێزیک دا تورکیا هێرشی رۆژهەلاتێ فراتێ کەت.
ناڤهاتی دیار کر مخابن دیسان کورد بوونە قوربانیا پیلانەکا دی یا نێڤدەولەتی و هەکە ئەمریکا ل سەر ڤێ بریارا خوە یا رژد بیت دێ تورکیا ب هاریکاریا رژێما سووریێ و روسیا هێرشی کوردێن رۆژئاڤایێ کوردستانێ کەت و گۆت: (دەمەکە ئەردۆگان گەفان دکەت و نها چو ئاستەنگی ژی ل هەمبەر ئەردۆگانی و لەشکرێ تورکیا نەماینە).
