ئەردۆگان: دێ هێرشی رۆژهەلاتێ فراتێ کەین
ئەڤرۆ نیۆز:
سەرۆک کۆمارێ تورکیا راگەهاند کو ئێدی ل سووریێ مەترسیا داعشێ نەمایە و یێن بەحسێ مەترسیا داعشێ دکەن دخوازن رایا گشتی بخاپینن و گۆت: (نها مەترسیا مەزن یا سەر تورکیا یەپەگە یە و مخابن مە گەلەک جاران داخواز ژ ئەمریکا کر کو هاریکاریا وان نەکەت لێ هەتا نها ژی ئەمریکا چەکان ددەتە وان).
رەجەب تەیب ئەردۆگان ئەو یەک ژی دیار کر کو دانا بنگەهێ چاڤدێریێ ل سەر سنورێ سووریێ و تورکیا بۆ پاراستنا تیرۆرستانە و چو پەیوەندیا خوە ب وەلاتێ مە ڤە نینە و ژ بەر هندێ ژی د چەند رۆژێن داهاتی دا دێ دەست ب ئۆپەراسیۆنا رۆژهەلاتێ فراتێ کەین.