ئەردۆگان: رێککەفتنا مە و ئەمریکا ل منبجێ برێڤە ناچیت
ئەڤرۆ نيوز:
سەرۆک کۆمارێ تورکیا رەجەب تەیب ئەردۆگان بۆ دەزگەھێن راگەھاندنا تورکیا ل دۆر رێککەفتنا بەری نھا یا د ناڤبەرا ئەمریکا و تورکیا دا ل دۆر منبجێ راگەھاند کو رێککەفتن تنێ ل سەر کاغەزێ مایە و د کریاری دا چو نەھاتیە کرن و گۆت: (بەرپرسێن ئەمریکی دبێژن ئەم و تورکیا ل منبجێ پێکڤە کار دکەین، لێ مخابن ھەتا نھا چو نەھاتیە کرن و تشتێن راگەھاندنا ئەمریکا بەحس دکەن وەسا نینە).
سەرۆک کۆمارێ تورکیا ئەو یەک ژی دیار کر کو رێککەفتنا مە و ئەمریکا ل دۆر منبجێ گرنگە، لێ ھەتا نھا چو نەھاتیە کرن و ئەمریکی بزاڤێ دکەن کو دەمی بکوژن دا رێ نەدەن ھێزێن مە بچنە منبجێ و ئەو یەک ژی ل دژی رێککەفتنا د ناڤبەرا مە دایە و گۆت: (ئەم ھێڤیدارین د کۆمبوونێن داھاتی یێن ل دۆر منبجێ دا ئەمریکا ل سەر سۆزا خوە بیت و ئاریشان بۆ مە دروست نەکەت).
