ئەركێ دهۆكێ مەزنتر لێهات
حاجی دوسكی
پشتی تیما فوتبۆلا یانەیا دهۆكێ شیایی ناسناڤێ كۆپا كەنداڤی بدەستخۆڤە بینیت ئێدی ئەڤ یانە دێ بەر ب قۆناغەكا نووتر چیت لەورا ئەرك و هیڤیێن دهۆكێ مەزنتر لێهاتن، ڤێ یانەیێ شیا دیرۆكەكا فوتبۆلا ئیراقێ ب گوهۆڕیت، پترییا وەرزشڤانا بەری خولا ئێراقێ دەستپێكەت هوسا دیاركرن ناسناڤێ خولێ یێ ئێكلاكرییە بۆ ئێك ژ یانەیێن بەغدا شورتە، جویە، زەورا، تەلەبە، پترییا وەرزا ئەڤ بۆچوونە دروست دەرچوو ئەگەر پشكدارییەكا ژ دەرڤە هەبا ڤێت بەهرا ڤان هەر چار یانەیا با، كار گەهشتبوو وی ڕادەیی هەر یازدە یاریزانێن هەلبژراتیێ ئیراقی ژ ڤان یانەیا بوون، دڤی وەرزی دا تایبەت دا دەمێ ئەلهۆیێن چیا بووینە قارمان ئێدێ مێژووییا وان چار یانەیێن جەماوەری ل ئیراقێ هیچ مفایەكی ل وان ناكەت ژنوكە وێڤە پترییا جەماوەرێ ئیراقێ و كوردستانی ب گشتی دێ چاڤێ وان لسەر یانەیا دهۆكێ بیت كو ببیتە قارەمانا ئیراقێ دووفدا نوونەراتیا ئیراقێ و كوردستانێ د قارەمانیێن دەرڤەدا بكەت، جەماوەرێ وەرزشی ل ئیراقێ ئەڤ حەزە هەیە پشتی هەردو یانەیێ، شۆرتە وجەوییە ب ئەنجامێن لاواز خاترا خوە خاستی، راستە تانوكە ئەم نەشێن دروستی بێژین دهۆك یان شۆرتە دی بیتە قارەمانا خولێ، لێ هوسا دیاربیت لدووڤ ریزبەندییا نۆكە دهۆك دێ هەڤڕكییا شۆرەتە كەت ئەوا هزرا وێ ئەوە دی چەوا خوە ژ دهۆكێ دووركەت، ئەگەر ئەلهۆیێن چیا د وان یاریێن پائێخستی سەركەڤیت ڤێ چەندێ دهوك نیزیكێ ناسناڤی بیت ئەم پشت بەستنێ ل سەر ئاستێ یانەیا دهوك دكەین یاریی بۆ یاریێ باشترە و ئاستێ شورتە جێگرنینە، لڤێرە فەرە ستاڤێ راهێنەرا تایبەت كابتن میرال گرنگیی لسەر دو خالان بكەت یا ئێكێ كاربكەت دووركرنا(غروری) ژ یاریزانان هەر دەما ئەڤ خالە گەهشتە ناڤ تیمەكێ دا دێ بەر ب لاوازیێ چیت، خالا دویێ هەر نوكە هزرا وی چەندێ بكەت ئەگەر هارون و زانا عەلی و پیتەر گورگیس بهێنە داخوازكرن بۆ هەلبژارتیی ئیراقێ پێگوهۆڕێن باش دروستبكەن لدووف وی ئاستی ڤان یاریزانا پێشكیش كری پترییا شلۆڤەكارێن ئیراقێ داخازا ڤان هەرسێ ستێرا كرینە لەورا گرنگ دبینم ئێدی هزر ل پیگوهۆڕێن باش بهێتە كرن، ئێدی رێك بۆ دەستڤەئینانا ناسناڤی نەهند قورسە تنێ هزر ل كۆمكرنا خالێن یاریێن مایی بكەن، ڤێ پینگاڤێ دێ جەماوەر پتر شاد بیت.
