ئەركێ مەدیاكاران یێ پیرۆزە و دڤێت بپارێزین
دلڤین رەشید:
وێنەگر و دەرهێنەر (میكائیل ئەحمەد ئەرەدنی) د دیدارەكێ دا بۆ رۆژناما ئەڤرۆ دیاركر كو ئەڤە نێزیكی 26 سالانە ئەو وەك وێنەگر كاردكەت و كلیپا ئێكێ بۆ سترانبێژ (جەمال وەرمێلی) ب ناڤێ(دەنگێ دستاری) وێنەكربوو، نوكە ل كەنالێ كوردستان تیڤی یێ ئەسمانی بەردەوامیێ ب كارێ خوە ددەت.
ناڤهاتی دبێژیت: ئەم وەك وێنەگر كارێ مە پتر دناڤ خەلكێ دایە، بەلێ هەكە پێدڤی بوو دناڤ ستۆدیۆیێ ژی دا كاردكەم و یێ بەرهەڤم بۆ وێ چەندێ ئەم پتربشێین خزمەتا كەنالێ كوردستان تیڤی و خەلكێ خوە بكەین، ژبلی كارێ وێنەگریێ ئەز وەكو دەرهێنەر ژی ل هەمان كەنال كاردكەم، داخوازا من ژ هەر وێنەگرەكی ئەوە كارێ خوە ب بەرپرسیارانە ئەنجام بدەت، ب تایبەت دقوناغا نوكە یا سۆشیال مەدیایێ دا، چونكو نوكە ئەز دبینم هندەك ڤیدیۆ دسۆشیال مەدیایێ دا بەلاڤ دبن نە د بەرژەوەندا مللەتێ مە دانە و ئەركێ مەدیاكاران یێ پیرۆزە و دڤێت ڤێ پیرۆزیێ باش ب پارێزین.
