ئەركێ یانەیێن كوردستانێ ب سانەهی نابیت
ئەڤرۆ
چاڤەڕێ یە ئەڤرۆ حەفت یاری ژ هەڤڕكیێن قۆناغا 32ێ یا كۆپا ئیراقێ یا تەپا پێی بهێنە ئەنجامدان، هەرسێ یانەیێن كوردستانی، زاخۆ، هەولێر و نەوروز د ئەركەكێ ب زەحمەت دا.
زاخۆ چاڤ ل دەستكەفتەكی یە.
ئەڤرۆ زاخۆ ب ژڤانە دەمژمێر سێ پشتی نیڤرۆ ل یاریگەها خوە مێڤانداریا یانەیا زەورا یا بەغدایی بكەت ئێك ژ یاریێن ئاگرین و كۆپیتكا قۆناغا 32ێ، ل دووڤ ئامارێن بەردەست هەردو یانە دكۆپایێ دا دو جاران بەرانبەری ئێك بووینە دهەمان قۆناغا دا بوویە هەردو یاری ب سەركەفتنا زەورا ب دووماهی هاتبوون ل وەرزێ 2000 دەمێ یاری ب شێوەیێ هاتنوچوون برێڤەدچوو، ژلایێ خوەڤە یانەیا زەورا خودانا زوورترین ناسناڤێن كۆپایێ دێ بزاڤێ كەت بۆ سەركەفتنێ و بەردەوامیا هیڤیێن ناسناڤێ شەشێ بكەت.
هەولێر و نەوروز دەلیڤەكا باش بەردەستە.
ژلایێ خوەڤە یانەیا هەولێر دێ بیتە مێڤانا یانەیا سەماوە د یاریەكا ڤەگری دا و دەلیڤەیە بۆ یانەیا كوردستانی خوە ژ ئاستەنگا ئێكێ دەرباز بكەت، ژلایەكێ دووڤە یانەیا نەوروز دێ مێڤانداریا نەفت میسان كەت.
راهێنەرێ یانەیا زاخۆ حەیدەر عەبدولئەمیر ئەركێ تیما خوە دڤێ یاریێ دا بسانەهی نابیت و گۆت: چەكێ مە زاخا یاریزانان و جەماوەرێ مەزن وەفادارە، یانەیا زەورا خودان شیانە و هەڤڕكەكا بهێزە دناسناڤێ كۆپایێ دا، هەموو یاریزان بەرهەڤن و ئەڤ رژدین باشترین ئاست و ئەنجام نیشان بدەین.
ژ یاریێن دی یێن ئەڤرۆ، حدوود- حویجە، شورتە- مەسافی ئەلجنوب، شرقات- غازاشیمال، مەسافی- نەفت، نەفت بەسرا- عەفك، نەجەف- ئەمانە بەغدا.
