ئەرێ ناسناڤێ كەنداڤی كارتێكرن ل دهۆكێ كرییە؟
حاجی دوسكی
دەستپێكا وەرزی 2024-2025یێ خولا ستێرێن ئێراقێ تیما فوتبۆلا یانەیا دهۆك تووشی چەند ئەنجامیًن نەچاڤەرێكری بوو هژمارەكا خالان ژدەستدان تایبەت دناڤ یاریگەها خۆدا، ئەوان ئەنجامان جەماوەر پێ نەخۆش بوون گەلەك پەیامێن جەماوەری بۆ دەزگەهێن راگەهاندنێ داخوازا گۆهارتنا راهێنەری دكرن، ئەڤچەندە ژی ژ دلسوزییا وان بوو، لێ بورینا دەمی تایبەت پشتی كارگێریێ مفا ژ ڤەگۆهاستنێن زڤستانێ وەرگرتێ تیما ئەلهۆیێن چیا شیان ناڤودەنگییا خۆ جارەكادی زڤرینەڤە تایبەت دەمێ پشكداریی د كۆپا كەنداڤی دا كری، هەرچەندە ل دەمێ یاریین دە سیتپێكێ راستە دهۆك شیا دەربازبیت ژ كومەلا خۆ و پلێتا دویێ، لێ یێ دروست د‌وڤچوونا ئاستێ تیمێ كربیت بەشەك ژ جەماوەری نەیی رازی بوو، گورانكارییا هەرە مەزن ل سەر ئاستێ تیمێ هات دەمێ ئەڤ یانە شیایی ئێك ژ ناڤ ودەنكترین یانەیێن كەنداڤی دووربێخێت ژ هەڤركییێ ئەو ژی یانەیا ئتیفاق یا سعودی، راستی پشتی ڤێ قۆناغێ پترییا جەماوەری ل ئێراقێ و كوردستانێ بوونە پشتەڤان ژ هەمی تەمەنان پیر، گەنج، ئافرەت و خێزان گشتی، ئێدی ناڤێ مسعود میرال، سیابند، زانا، پیتەر، هارون، زاكیری و محەمەد سالح كەتە سەر زمانێ جەماوەری تا شیان بنە قارەمانێن كەنداڤی، ئەگەر یانەیا دهوك لدووف وی ئاست و ئەنجامێن ل كەنداڤی دەستڤە هاتین یا بەردەوامبا، دا ناسناڤێ خولا ستێرێن ئێراقێ یا ئاسان بیت، لێ ئەفچەندە بەروڤاژی هات ئێدی ئاست بەر ب نزمبوون چوو گەلەك خالێن جەماوەری هزركر دێ مسوگەربن لێ ژدەستدان تایبەت دگەل كارەبا وحدود، ڤێ پاشڤەچوونێ د ئەنجاما هندەك ئەگەر هەبوون وەكو بۆچوون دبیت یاریزانێن دهوكێ هزركر بیت ئێدی هەر یانەیەكا بەرامبەر مە بكەت ئاسانترین رێك دێ سەركەڤین هەمی یارییا ڤێت هزرەكا باش بۆ تیما هەڤرك بكەی هەرچەند یا لاواز بیت، ئەگەرەكێ دی یاریزانێن دهۆكێ گەلەك ماندیبوون ژبەركرنا یارییا ل دووفئێك و نەبوونا بێنڤەدانێ، ئەگەرێ هەرە گرنك راهێنەر مێرال ئەف بارگرانی یە بوو دروست كر ئەوژی راهێنەری دەلیڤە نەدایە هژمارەكا یەدەكا ئەم شێن بێژین پشت بەستنا دهوكێ ل سەر چاردە یاریزانا بوو وەكو مە زانی دهۆكێ یاریزانێن باش هەنە شێن ئاستەكێ باش نیشان بدەن ئەگەر دەرفەت بۆ هەبوو مینا نەجم شوان، ئاكو و روبن اكوا، دگەل هندەك ئەگەرێن هونەری دەڤ راهێنەری دهۆكێ هەنە دڤێت راهێنەر چەند شێوازێ یاریكرنێ هەبن تا تیما هەڤرك سانەهی نەشیت شیوازی دهۆك كنترول بكەت، راستی مێرال ژوان راهینەرایە كو ساخلەتێن وێرەكیێ لدەڤ هەنە دناڤ یاریگەهێ دا، ئەگەر بۆ وەرزێ نوو میرال هەڤبەستێ دگەل یانەیا دهوك نووكر باوەرناكەم دوبارە پێلیت گڤاشتن لسەر یاریزانا دیاربیت دێ باشتر هێنە دیتن.
