ئەرێ راستە خەزینەک ل بن بەرێ بووک و زاڤا ھەیە؟
ئەڤرو نیوز ، نەوزاد ھلۆری:
سرۆشتێ کوردستانێ جوانترین دیمەن تێدا ھەنە ژ وانان دار ، بەر ، ئاڤ و گیانەوەر کو ئەڤ یەک بویە سەدەم جوانترین دیمەنان درۆست بکەن ، ئێک ژ وان دیمەنێن سەرنجراکێش بەرێ بووک و زاڤایە ل دەڤەرا بارزان ، بەلێ ب بھانەیا ھەبوونا خەزینەکێ پشکەکا بەرێ بووک و زاڤا ھاتیە خراپکرن.
دڤی واریدا ” ئەنوەر دولەمەری ” سەروکێ سەنتەرێ بارزان بو ژینگەپارێزی و چیایی بۆ ئەڤرو نیوز گۆت: (بەرێ بووک و زاڤا ئێکە ژ جھێن شینواری و گەشت و گوزاریێن ھەری گرنگ ل دەڤەرا بارزان و چەندین چێروکێن سەرنجراکێش ھەنە ئەڤە زێدەباری کو بەرێ بووک و زاڤا بخوە دیمەنەکێ زور جوانە و بوویە سەدەم سالانە ھزاران کەس قەست بکەنێ و دەمێن خوش لێ ببوورینن )
زێدەتر گۆت: (بەرێ بووک و زاڤا دکەڤیتە ھورێ ل دەڤەرا بالەکا ل بنیا چیایێ سەقەر لایێ رۆژئاڤایێ چیایێ ھەلگورد و نێزیک مالا “حاجی محەمەد ئەمین ” کو ئێکە ژ کەساتیێن ئەوێ دەڤەرێ و گیانێ خوە ژ دەستدایە، ل گورەی ئاخفتنێن کو لسەر ئەڤی بەری ژلایێ کەسانێن شارەزایێن دەڤەرێ و دانعەمران ھاتینە گوتن دبێژن ئەڤ بەرە ب رەنگێ ژن و زەلامەکێ وەکو بووک و زاڤا ژ ئاخێ دەرکەفتیە و چەندین سالان بڤی رەنگێ مایە ، بەلێ ب درێژاھیا دەمی ژ ئەنجامێ خراپکرنا وێ ژلایێ خەلکی ھاتیە تێدان و پشەکا وێ ب بھانەیا وێ یەکێ کو خەزینەک ل بن ھەیە خراپکریە ، بەلێ د راستی دا چوو خەزینە ل بن نینن و تنێ ھزرەک بوویە بو ژ ناڤبرنا ئەڤی دیمەنێ جوان ، و دیسان گورانکاریێن کەش و ھەوایی کارتێکرن لسەر کریە )
