ئەرێ زانکویا زاخۆ یا باوەرپێکری یە ؟
زاخۆ ، عەلی حاجی:
پشتی ل تورێن جڤاکی و ناڤ تەخا قوتابیێن زانکویا زاخۆ دا بەحسێ وێ چەندێ دھێتە کرن کو ل زانکویا زاخۆ ژلایێ حکومەتا عێراقێ ڤە نەیا باوەر پێکری یە و دەرچوویێن وێ زانکویێ نەشێن ل زانکویێن ژ دەرڤەی کوردستانێ بەردەوامیێ بدەنە خواندنا خوە.
ل دۆر ڤی بابەتی پروفیسورێ ھاریکار دکتور عەبدولوەھاب خالد بۆ ئەڤرۆ نیوز گۆت : زانکویا زاخۆ ژ سالا ٢٠١٤ حکومەتا عێراقێ ب بریارەکا وەزارەتا خواندنا بلند ڤە دان پێدان ب زانکویا زاخۆ کری یە، دیسان ژی پەرلەمانێ کوردستانێ ل ل سالا ٢٠١٥ دانپێدان ب زانکویا زاخۆ کربوو ل وەقائیع کوردستان بەلاڤ بوویە.
ناڤبری زێدەتر گوت : بەری روودانێن ١٦ ئوکتوبەرێ لژنەک ژلایێ حکومەتا عێراقێ ڤە سەرەدانا زانکویا زاخۆ کربوو و ب باشی زانکویا مە ھاتبوو ھەلسەنگاندن ژ ھەموو لایەکی ڤە لێ پشتی وان روودانێت ١٦ی ئوکتوبەرا ٢٠١٧ بابەتێ دانپێدانا زانکویا زاخۆ ژلایێ وەزارەتا خواندنا بلند یا حکومەتا عێراقێ ڤە ھاتە راوەستاندن.
دووماھیێ ناڤھاتی دیارکر ب بریارەکا سیاسی قوتابیێن زانکویا زاخۆ ل ھندەک زانکویێن تورکیا ناھێنە وەرگرتن لێ ئەم بەردەوامین ل سەر چارەکرنا وان ئاریشا و مە پەیوەندی ب زوربەیا زانکویێن تورکیا ل سەر ئاستێ بلند ھەنە.
