ئەرێ کێم خەوی چ ئاریشێ پەیدا دکەت؟
ئه‌ڤرۆ نيوز:
پتریا کەسێن ژ مە و پتریا گەنجێن نھا دا ل دیڤ پرۆگرامەکێ شاش خەوا خو دابەشکریە و زوی نا نڤن و درەنگی رۆژ ھشیار دبن و ئەڤ چەندە ژی دبیتە ئەگەرێ پەیدابونا چەند ئاریشەیان وەکو نوشدارەک بو نوش نیوز دیار دکەت: کێم خەوی ئاریشەیەکا گەلەک مەزنە و دلگرانی ڤە پتریا گەنجێن ژ مە پرۆگرامێ وان یێ خەوێ یێ خەلەتە و ئەڤ چەندە کارەساتەکا مەزنە.
د. دلشاد خورشید رەشید، تایبەتمەندێ نەخوشیێن مێشک و دەماران بو نوش نیوز گوت ژی: باشترین دەم بو خەوێ ل دەمژمێر (12 شەڤ تا 8 سپێدێ یە) و دەما مرۆڤ ل دیڤ ڤی وەختی بنڤیت دەما مرۆڤ سپێدێ ھشیار دبیت دێ کەسەکێ ژێھاتی بیت لێ بەرۆڤاژی دەما مرۆڤ شەڤ زوی نە نڤیت ئەگەر سپێدێ ھەتا نیڤرۆ ژی مرۆڤ ب نڤیت و قەرەبو بکەت ناھێتە بەرامبەر خەوا ب شەڤ ڤە چونکە مێشکێ مرۆڤی بتنێ ب دەمێ ب(شەڤ) ئارام دبیت، و کێم خەوی دبیتە ئەگەر کارەبا مێشکێ مرۆڤی زێدە ببیت لەورا دێ مرۆڤ ھەست ب گێژبونێ کەت و ئەڤ چەندە ئاریشەیەکا مەزنە سەر گەنجێ مە.
ناڤبری ئەو چەندە نەڤەشارت: کەسێن کێم د نڤن ھێزا لەشێ وان کێم دبیت و خەو وەک خارنەکێ یەبو لەشێ مرۆڤی و ژلایەکێ دیتر ڤە ئەو کەسێن کێم بنڤن زوی تورە دبن و ئاریشا دروست دکەن و ھەردەم تورە و عاجزن لەورا فەرە ئێدی ھەر گەنجەک ل دیڤ پرۆرگرامەکێ رێکخستی خەوا خو دابەش بکەت .
