ئەز بۆ مـەرەمێن خـۆ یێن پیس دڤـیام
دلشاد عەبدوللا:
کچەکا ٢٠ سالى بۆ رۆژنامەیا ئەڤرۆ دیار کر کو گەنجەک ئەوێ د ئێخیتە نێچیرا خوە و گۆت: من وەسا هزر کر حەژ من دکەت و دێ من ب خو خوازیت، هەتا وى رادەى من خۆ ب دەستڤە بەردا و پارە ژ من دخواستن من بو دبرن، لێ من نەزانى ئەوى ژ بو مەرەمێن خو یێن پیس خو نێزیکی من دکر.
(س. م) ئەو کچەیە گۆت: (پشتی من ب رێیاهەڤالا خو کار ب دەست خوڤە ئیناى، روژەکێ گەنجەک هاتە جهێ کارێ مە و ل گەل هەڤالا من دئاخفت، من ژی پرسیار ژێ کرئەو کی بۆ گوت گوندیێ مەیە و مە تێکەلیا خێزانى ل گەل ئێک هەیە و گۆت یێ بو خو ل کچەکا باش دگەریت کو بخوازیت و مەتحێن وى کرن، لێ من نەزانى کو هەڤالا من دگەل گروپێ وان کار دکەت بو سەردابرنا ئافرەتان).
(س. م) زێدەتر گۆت: (ب بورینا دەمى پەیوەندی دناڤبەرا من و وى چێبو، گەلەک جارا ئەم ل گەل ئێک دەردکەفتین و چ تشت نەمابون مە نەکرین و ئەم گەلەک نێزیکی ئێک بوین من هزر کر ئەز د خوشترین ژیان دا دژیم، حەتا وی رادەی ئەزنەشیام بێى وی چ بکەم هەر کارەکێ من کربا من بۆچونا وی وەردگرت، پشتی هینگێ چەندین جارا داخوازا پارا ژ من دکر من ژى دانێ، پاشى داخوازا کوژمەکێ مەزن یێ پارا ژ من کر ئەس نەشیام بدەمێ، ئیدی گەفێن بەلاڤکرنا وێنە و ڤیدویێن من کرن و گوتە من پەیدا بکە هەکە نە دێ تە شەرمزار کەم، ئەس گەلەک ترسیام و ژیانا من ئێکسەر هاتە گوهۆرین حەتا وی رادەی ئەس نەشیام بچمە سەر کاری).
ڤێ کچێ د بەردەوامیا ئاخفتنێن خۆدا گۆت: (روژەکێ خویشکا من راپورتەک نیشا من دا کو د شوشیال میدیایێ دا هاتبو بەلاڤ کرن گروپەک هاتبو دەستەسەر کرن هەڤالا من و ئەو کورێ من حەز ژێ دکر ژى دناڤ وى گروپى دا بۆن، وان گەفێن بەلاڤکرنا وێنە و ڤیدیویێن ئافرەتا دکرن).
(س) گۆتژى: (پشتى هینگى خودانێ کاری پەیوەندی ب من کر و گۆت فلان کەس هاتیە گرتن، تەزینکەک سەر لەشێ مندا هات من نەزانی دێ چکەم، ب بورینا دەمی ئەوهاتنە سزادان و دیار بو کارێ وان ئەو بۆ ژ بو ب دەستڤە ئینانا مەرەمێن خۆ یێن پیس گەف ل وان ئافرەتا دکرن یێن باوەریا خۆ پێ ئیناى و وێنە و ڤیدیویێن خۆ بو هنارتى، من نەزانی ئەوى ژ بو مەرەمێن خو یێن پیس خو نێزیکی من دکر، ئێدى من سوز دا خو ئەس یا سڤک و سادە نەبم).
چارەسەرى
خویشکا هێژا: بوتە و هەر کچەکا تووشى ئاریشەکا بڤى رەنگى دبیت باشترە هەر زوى جهێن پەیوەندیدار ئاگەهدار بکەن داکو ئەو ڤایروسێن بڤى رەنگى ب زوترین دەم بهێنە دەستەسەر کرن و چ کەسێن بێ دەستهەلات نەبنە نێچیرا ڤان گورگا، ئەڤ کارە ژلایێ ئاینی، ئەخلاقی و جڤاکى و یاسایی و دەروونی ڤە ناهێنە قەبیل کرن وگەلەک مەترسی ل سەر ئەنجامێن وێ هەنە، پەیاما مە بۆ هەموو کچان زوى باوەریا خۆ ب کەسێ نەئینن و دڤێت هەوە ئاگەه ژخوهەبیت دا سەنگا خوە بپارێزن.
ژلایەکێ دیڤە یاسایا خراب بکارئینانا ئامیرێن پەیوەندیان هەیە کو سزا زیندان کرنە ب شەش هەیڤان حەتا پێنچ سالا و غرامە کرنە ب ئێک ملیون هەتا پێنج ملیونان.
