ئەز قوتابیێ بابێ خوە مە
هەرهین محەمەد:
سترانبێژێ كوچكو دیوانان (مەحمود حەجی) د دیدارەكێ دا بۆ رۆژناما ئەڤرۆ گۆت: نوكە ل دەواتان ب شەڤێ ئەم دیوانەكێ دانین و سترانێن كوچكو دیوانان و فۆلكلۆری دبێژین و تشتێ خۆش دیوانان دا ئەوە دەمێ سترانبێژ سترانان دبێژیت و هندەكێن دی ڤە دگێرن، بەلێ ل باشۆر ئەڤ تشتە نینە و بتنێ سترانبێژەكە و دێ سترانان چەند دەمژمێران بێژیت و هەركەسەك دێ چیتە مالا خوە، باكورێ كوردستانێ گەلەك نەریت ماینە وەكو یێن بەرێ، بۆ نموونە دەمێ دبنە خوازگینی و هەرمالەكا خواستێن دەواتێ بن كەڤچك ژێ وەردگرت دەمێ د بوو دەوان ب ئەوی كەڤچكی خوارن دخوار و ئەڤ نەریتە نیشانا خوازگینیانە و برایێ زاڤایی ژی كارێ خوە دكر دەمێ دچوون پشتا بیكێ گرێبدەن و ڤە دكەن سێ جاران و پاشی كەڤچكەك دشكاند و كەڤچكەكێ دی دێ كەتە بەرشاشكا خورا ئانكو خوارنا تە ژ مالا بابێ تە ب دووماهیك هات. هەروەسا گۆت: بەری نوكە مەسێ رۆژان دەوان دكرن، من مامەك هەبوو هەر ژ دەمژمێر نەهی سپێدێ هەتا دبوو دەمێ فراڤینێ وی دوبارەبن و ستران دگۆتن و بابێ من ژی ستران دنڤیسین و ئەز قوتابیێ بابێ خوە مە بۆ سترانگۆتنێ گۆتنێ.
