ئەز هەستێن خوە ب ستران و مۆزیكێ دەردبڕم
هیڤی كەریم:
دلیڤیا فەرهاد، كچەكا خەلكا دهۆكێ یە، ژیێ وێ (18) سالن و نوكە قوتابیە ل قوناغا ئێكێ ل پەیمانگەها هونەرێن جوان، د دیدارەكێ دا بۆ رۆژنامەیا ئەڤرۆ دبێژیت: دژیەكێ بچووكدا من حەزژ ژەنینا مۆزیكێ دكر، د دووڤدا حەزا سترانگۆتنێ ژی بۆ من پەیدا بوو، چنكو ئەز هەستێن خوە ب ستران و مۆزیكێ دەردبڕم.
هەروەسا گۆت: ئەز بەردەوام ل دووڤ خەونێن خوە دچم هەتا هەموویان بكەمە راستی و نوكە ئێك ژوان خەونان بجه هاتیە ئەز چوویمە پەیمانگەها هونەرێن جوان/پشكا مۆزیكێ و ل سەر ئامیرێ (گیتارێ) دخوینم و پشتی پەیمانگەهێ ب دووماهی دئینم ئێكسەر دێ چمە كولێژا هونەرێن جوان ل زانكۆیێ، ژ بۆ هندێ دا بشێم ب شێوەیەكێ دروست و ئەكادیمی خزمەتا ستران و مۆزیكا كوردی بكەم.