ئەز وەلاتم
سەربەست بۆتی
كوردستانم چار پارچەمە
دەشت و چیای و باخچەمە
ئەڤە وارێ من سەرجەمە
من بناسە ئەز وەلاتم
ئەز خودان چیای و لاتم
خاكا زێرین و ب داهاتم
چ بكەم یێ بێ دەست هەلاتم
من بناسە ئەز وەلاتم
گەلەك شرینە خاكا من
بخوینێ سۆربوو دیرۆكا من
دلهەژینە چیروكا من
من بناسە ئەز وەلاتم
كوردینۆ بناڤ و دەنگین
بۆ سەرفەرازیێ دجەنگین
تا بلند بۆ ئالا رەنگین
من بناسە ئەز وەلاتم
سروودا ئەی رەقیب بێژە
عەشقا گەلێ مەیە ژمێژە
كۆڤانا ژدلی دارێژە
من بناسە ئەز وەلاتم
دەست ژ دلسۆزیێ بەرنادەم
ژڤێ رێكا پیرۆز لانادەم
دێ هەمی ناحەزا بادەم
من بناسە ئەز وەلاتم
نەكە زۆرداری و گونەهێ
خۆ بەرهەڤ كە بۆ دادگەهێ
خزینا چاكیێ بگەهێ
من بناسە ئەس وەلاتم
نەبێژە ئەز وەكو شێرم
دێ لبن ئاخێ تە ڤەشێرم
رابردوویێ تە ڤەگێرم
من بناسە ئەس وەلاتم
جوانم بخەملا سروشتی
سەرفەرازم بخوینا رشتی
تو دپەیاما من گەهشتی
من بناسە ئەز وەلاتم
بو شەهیدا وەفادارم
ژگیانێ وان را قەردارم
ژخەم و ژانا كوڤاندارم
من بناسە ئەز وەلاتم
پێشمەرگە تاجا سەرێ من
ئەوانا پاراست وارێ من
گران بوو هەلگرت بارێ من
من بناسە ئەز وەلاتم
تۆرەمە ژ بەرژەوەند خوازا
بناڤێ من بگەهنە داخوازا
گەردەنا وانا نە ئازا
من بناسە ئەز وەلاتم
لناف قەبری وان ناحەوینم
مێژوویا وانا دێ خوینم
دێ بگونەهكار وان ناسینم
من بناسە ئەز وەلاتم
ئەوێن رۆژێن تەنگاڤیا
خاكا منا شرین ڤیا
ئەو دێ هەر گەهنە هیڤیا
من بناسە ئەز وەلاتم
یێ بناڤێ من كرین شاشی
نەكرین خزمەت و باشی
تۆلێ دێ لێڤەكەم پاشی
من بناسە ئەز وەلاتم
ئاواز و پەیڤ و هەلبەستا
دێ دیاركەین هزر و هەستا
هەمی ئاستەنگ و بەربەستا
من بناسە ئەز وەلاتم
