ئەز گەلەك دچمە ئاهەنگ و لایڤ مۆزیكان
سۆلین سلێمان:
سترانبێژ (تاها قادر) كو خەلكێ دەڤەرا سورانە، د دیدارەكێ دا بۆ رۆژنامەیا ئەڤرۆ گۆت: هەر چەندە ئەز دەرچۆیێ كولیژا ئەندازیاری مە، لێ حەزا من بۆ سترانگۆتنێ یا بەری چەندین سالانە و هەتا نوكە من هژمارەكا ستران و كلیپان بەلاڤكری نە و هندەك كلیپێن من هەتا ملیۆن بینەران د یوتتۆپی دا دیتینە.
هەروەسا گۆت: ئەڤە حەفت سال پترن ئەز سترانان دبێژم، لێ ب سترانا (شێتە گیان) ئەز گەلەك بەرنیاس بووم و ل هەر جهەكێ ئەز چووبامێ خەلكەكێ زۆر دەستخۆشی ل من دكرن، بۆ زانین ئەز بەردەوام كۆنسێرتێن هونەری دگێڕم و ل دەف من یا گرنگە بەردەوام كۆنسێرت بۆ هونەرمەندان بهێنە گێڕان، لێ نوكە پتر دچمە ئاهەنگ و لایڤ مۆزیكان و هیڤیا من ئەوە بەردەوام هونەرێ كوردی د وەڕار و پێشكەفتنێ دابیت.
