ئەز گەلەك وەستیام هەتا من خوە پێگەهاندی
موسا خالد:
شێوەكار(ماهر مستەفا) د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا من حەزژ كارێ شێوەكاری دكر و خێزانا من ژی گەلەك د پشتەڤان بوون لەورا من دەستپێكر و نوكە ب كارێ خوە یێ سەرفەرازم.
ماهر، كو خەلكێ پارێزگەها دهۆكێ یە و بتنێ هەتا پولا نەهێ بنەرەت خواندیە، هێشتا گۆت: ژبەركو من ل چو پەیمانگەهێن هونەری نەخواندیە ئەز گەلەك وەستیام هەتا من خوە پێگەهاندی و هەتا نوكە من پشكداری د چار پێشانگەهان دا كریە، كو ئێك ژ وان ب چاڤدێریا سەرۆك بارزانی بوو، وێنەیێن شەهیدان هاتبوونە نیشادان، دووماهی پشكداریا من ژی ل پێشانگەهەكا رێڤبەریا رەوشەنبیری ل سێمێلێ بوو، هیڤیا من ئەوە بشێم ل دەمێ بهێت پێشانگەهێن باشتر ڤەكەم و ب رێیا هونەری خزمەتا وەلاتێ خوە بكەم.
