ئەز یێ بزاڤێ دكەم ببمە باشترین گیتار ژەن
عەلی حاجی:
هێژا فەرهاد، مۆزیكژەنەكێ باژێرێ زاخۆیە، د دیدارەكێ دا بۆ رۆژناما ئەڤرۆ دیاركر كو دو مۆزیكژەنێن كورد بۆ وی بووینە رێیەك گرنگ كو ئەو زێدەتر نێزیكی مۆزیكێ ببیت و هاتنا كورۆنایێ ژی وەكر ئەو مۆزیكێ بژەنیت.
زێدەتر گۆت: ل سالێن 2020 بۆ 2021 د دەمێ هاتنا كورۆنایێ دا من خوە فێری ژەنینا ئامیرێ گیتارێ كر و نوكە ژی یێ بەردەوامم و موزیكژەن جودی حەمۆ رێیەكا سەەركی بۆ من ڤەكر كو ئەز بشێم فێری ڤی ئامیری ببم ژبەركو من سەح دكرە ڤیدیۆیێن وی و ب رێیا وان ڤیدیۆیان حەزەكا زێدەتر بۆ گیتارێ دروست بوو، د لایڤ مۆزیك و كەنالێن راگەهاندنێ دا من مۆزیك ژەنیە و ئەو چەندە پتر بۆ پشتەڤانی بۆ من دوێرەكی بۆ من دروست ببیت و هەتا نوكە ژی ئەز زێدەتر خوە د پێش دئێخم ناڤبری گۆت ژی: كێمیا كەسێن مۆزیكژەن د ژەنینا گیتارێ دا وەكریە زێدەتر هەست ب زەحمەتیێ بكەم خوە پێش بێخم بەلێ ئەو چەندە نابیتە رێگر ئەز خوە ژ ژەنینا ڤی ئامێری ب دووربێخم بەرۆڤاژی ئەز نەشێم بێ وی ئامیرە ژیانا خوە ببۆرینم، ئەز یێ بزاڤێ دكەم ببمە باشترین گیتار ژەن ل سەر ئاستێ كوردستانێ و ئەو شیانە ل دەڤ من هەنە ژی
