ئەسمەر حەز دکەت ب فلمێن دکیۆمێنتاری پشکداری فلمە فیستەڤالا دهۆک یا نێڤدەولەتی ببیت
دەرھێنەرو ئەکتەر ئەسمەر مھاباتی کو خەلکا رۆژھەلاتێ کوردستانێ یە و نوکە ل باژێرێ دھۆکێ دژیت ددیدارەکێ دا بۆ بەرپەرێ ھونەری یێ رۆژنامەیا ئەڤرۆ گۆت: ھەرژ زاروۆکینیا خوە شەیدایا کارێن ھونەری بوویمە و ھەتا نوکە یا بەردەوامم و بۆ من چ جوداھی نینە ل گەل ئەکتەرو دەرھێنەرێن کژ پارچەیا کوردستانێ کارکەم و یا گرنگ بۆ من ئەم کوردین و مە ھەموویان ئێک ئارمانج ھەیە و پتریا کارێن من نەتەوەیی نە و ئێک ژوان کو فلمێن کیومێنتاری بووینە بناڤێ جلێ کوردی ناسناما منە و یێ دووێ بناڤێ دوشاڤ و پشکداری فلمە فیستیڤالا موسکو ببوو چوبۆ دپێشبرکیێ دا و یێ سیێ زەنگی نەقاشی و یێ چارێ بناڤێ نشتیمان و یێ پێنجی دەربارەی کومەلگەھێ یە کو جوداھیێ دکەن دناڤبەرا کچ و کوران دا.
ئەسمەرێ گۆت ژی: گەلەک حەزدکەم ئەڤ سالە فلمێن خوە یێن دکیومێنتاری پشکداری فلمە فێستیڤالا دھۆکێ بکەم، چونکو ئەڤ سالە دەمێ وەکو مێھڤان پشکداری فلمە فێستیڤالا ناڤهاتی بوویم من گەلەک جوان و رێکخستی دیت ژلایی َمێھڤان و فلمان ڤە و فلمە فێستیڤالا دھۆک کێمی فێستیڤالێن بیانی نینە و ئەو ژی گەلەک یا پرۆفشنالە.
