ئەشقا زیندی
ئەلند مزووری
نەبە ئێخسیر ل سەرێن رییا
کەڤۆکا وارێ هیڤیا
نەبێژە بێ جهـ و وارم
ئەزم بۆ تە وار و چیا
ئەز بۆ تە وار و هێلینم
وەلاتەک پڕ عەشق و ڤینم
من هەمبێز زۆزان و دەشتە
بێ تە هەر بێ خەمل و ژینم
هەی نازا وەک بەلاتینکا
ناکەم بکێشی چ ئاخینکا
نێزیکە دێ بمە بێژن
سەرکێ زاڤای و نارینکا
هەمی هیڤی دێ خرڤە بن
دەستێن مە ژهەڤ ناڤەبن
خەونێن مە دێ بنە راستی
تەڤ ڕێ دێ ل من و تە ڤەبن
دێ وەرە بێ هیڤی نەبە
دعەشقێ دا تو دو دل نەبە
عەشقا راست هەر یا زندی یە
هشیار بە دناڤ بەرزەنەبە
ئەز و تو هەر دێ ب هەڤرابین
چ جارا ژێک جودا نابین
ئەڤینا راست هەر ئەڤەیە
تەڤ دەما دێ دگەل ئێک شابین
تەڤ هیڤی لمە بنە باران
دێ ڕەڤن تەڤ ژان و کۆڤان
ڤینا من و تە نازدارێ
دێ بیتە چیڕۆک و هۆزان
