ئەفسانەیەكە د هەناسەیا خوە یا دوماهیێ دا
زێرەڤان ئۆسێ
د روباری دا
هندەك روبارێن دی خوە ڤەدشێرن
ئەفسانەیەكە د هەناسەیا خوە یا دوماهیێ دا
و ئەفسانەیەك ژ ڤەلەرزینا قەیدان ڤە دهێت..
د روباری دا
دناڤبەرا پێنگاڤێن موعجیزێ دا
و بابكەك خوە خوداوەند دكەت
ژ دەڤێ شاعری
سترانەك بۆ زیندیبوونێ دپەشیت
د روباری دا
شیرەكە ژ ئەردی بزدیاییە
ل پشت سكران..
د روباری دا
ژدەستدانەك خوە ب دەمارێن ئەردی ڤە دگریت
بەر ب گیانێن سەرگەردان ڤە خوە دهێلاڤێژن
لەشەك د تێهنێ دا ئاكنجی دبیت
لەشەك ژ قیری و وەستیانێ..
د روباری دا
گریانا زارۆكەكێ غەوارەبووی یە
كی دێ ژ چاڤێن وی شۆڕشەكێ هەلئێخیت؟
كی دێ تۆڕەبوونێ هەل كەت..؟
د روباری دا
پێشبینیێن بیژنا شوینبرینن
ل ئەسمانێ خوداوەنەكێ كەڤنار دیار دبن
ئەسمانەك ژ گوڕییا ئاگری
خوداوەندك ژ گوڕییا ئاگری.
