ئەكتەرا سەركەفتی ئەوە ژ دابونەریتێن جڤاكی دەر نەكەڤیت
سۆلین سلێمان:
ئەكتەرا بەرنیاس (رێزان فەرەج) د دیدارەكێ دا بۆ رۆژناما ئەڤرۆ دیاركر كو ئەكتەری حەزا وێ یا زارۆكینیێ بوو، هەتا نوكە پشكداری د هژمارەكا فلم و درامایان دا كریە و ب هەموو پشكداریێن خوە یا دلخۆشە و دێ یا بەردەوام بیت.
رێزانێ گۆت: دەمێ ئەز یا بچووك من دگۆتە مالا خوە، هەروەسا هندەك هەڤالێن خوە دەمێ ئەز مەزن دبم حەزدكەم ببمە ئەكتەرو سوپاس بۆ خودێ و ب پشتەڤانیا مالا من حەزا من بجه هات و هیڤیا من ئەوە بشێم خزمەتا هونەرێ كوردی بكەم و هەر دەم ئەز دبێژم ئەكتەر/ ئەكتەرا سەركەفتی ئەوە ل دەستپێكێ رێزی ل خوە، پاشی ل خەلكێ خوە بگریت، هەروەسا ژدابونەریتێن جڤاكی نە دەركەڤیت، بۆ زانین هەكە پشتەڤانیا هەڤژینێ من نەبا دبیت ئەز نەشیابام یا بەردەوامبم، هەروەسا دایكا من ژی پشتەڤانەكا بهێزە بۆ من.
