ئەكتەریا شانۆیێ هەستەك و تامەكا جودا هەیە
بێوار حەمدی:
هونەرمەند (ڕۆژ حكمەت) كو ئەڤە (19) سالن كارێ ئەكتەریا شانۆیێ دكەت، د دیدارەكێ دا بۆ ڕۆژنامەیا ئەڤرۆ گۆت: ئەز هەلگرێ باوەرناما ماستەرێ مە ل كولیژا هونەرێن جوان د بوارێ ئەكتەریا شانۆیێ دا و من ئەكتەریا شانۆیێ و سینەمایێ هەردوكا كریە، هەر چەندە شێوازێ وان ژێك جودایە، لێ دەسپێك و دووماهی هەر هونەرە.
هەروەسا گۆت، بۆ من ئەكتەریا شانۆیێ خۆشترە، ژبەركو هەستەك و تامەكا جودا هەیە و پتر یا راستگۆیە و هەتا نوكە من پشكداری دنێزیكی 30 كاران دا كریە و من گەلەك ڕۆلێن جودا و جیاواز وەرگرتینە، دووماهی كارێ من پشكداری تێدا كری درامایا (پایز) بوو، هەروەسا شانۆگەڕیا(داستانا كوردستانێ) و ئەكتەرێ سەركەفتی ئەوە یێ كو بشێت بەردەوام خوە نوو بكەت ژلایێ هزری و فسیولۆجی ڤە و خوە پێشڤە ببەت و بشێت خوە دگەل هەموو رۆلان بگۆنجینیت.
