ئەكتەرێ شانۆیێ دشێت ب ساناهی ببیتە سینەماكار
بێوار حەمدی:
شانۆكار (رێناس سالح) د دیدارەكێ دا بۆ رۆژنامەیا ئەڤرۆ دیاركر كو ئەو دەرچۆیێ پشكا شانۆیێ یە ل پەیمانگەها هونەرێن جوان و حەزژێكرنا وی بۆ كارێ شانۆیێ بۆ بەری چەندین سالان دزڤڕیت و مالبات ژی هەموو پشتەڤانن.
رێناسی گۆت: هەتا نوكە من پشكداری د پتر ژ (13) شاتۆگەریان دا كریە و ب دیتنا من ئەكتەرێ شانۆیێ دشێت ب ساناهی ببیتە ئەكتەرێ سینەمایی هەكە یێ ئەكادیمی بیت، لێ ئەكتەرێ سینەمای بەرۆڤاژی دێ گەلەك ماندی بیت هەتا بشێت كارەكێ شانۆیێ بكەت، چنكو شانۆیێ یاسایێن خۆ هەنە و كردارەكا راستەوخۆیە بەرامبەر بینەری و شاشیەكا بچووك ل سەر مرۆڤی مالە، لێ دسینەمایێ دا هەموو كار ریكۆرد كریە و هەكە دەه جاران شاش بوو دشێت دوبارەبكەت و ب دیتنا من مە بینەرێن باش یێن شانۆیێ هەنە، ب تایبەت هەكە شانۆگەریەكا باش و بهێز بیت و ئەڤ چەندە سەرنجا بینەران رادكێشیت كو پتر قەستا هۆلێن شانۆیێ بكەن، هەروەسا بۆ ڤێ چەندێ ژی پێدڤیە راگەهاندن پتر رۆلێ خۆ ببینیت.
