ئەلبۆما دهۆكا كەڤن ب چاپەكا نوو دێ بەلاڤ بیت
هەرهین محەمەد:
ل ژێر چاڤدێریا (د.عەلی تەتەر) پارێزگەرێ دهۆكێ، ل بەرە ل رۆژا چارشەمبی ل دەمژمێر چاری ئێڤاری ل هولا كۆنفرانسان رێورەسمێن ئیمزاكرنا ئەلبۆما دهۆكا كەڤن ب دیزاین و كوالیتی و چاپەكا نوو بهێتەكرن.
شڤان تەوفیق، ئامادەكارێ وێ ئەلبۆمێ بۆ رۆژناما ئەڤرۆ گۆت: ل سالا 1998 پێشانگەهەك ل هولا شەهید سەلمان هاتە ڤەكرن و ل سالا 2001 پشكا ئێكێ هاتە چاپكرن ژلایێ بەرێز عەبدولعەزیز تەیب كو ل وی دەمی ئەو پارێزگەرێ دهۆكێ بوو، ل وی دەمی هەتا نوكە كو پتری پازدە سالانە من بەردەوامی دا كۆمكرنا وێنەیێن دهۆكا كەڤن و گەلەك جاران من زەحمەت دیتیە ژ بۆ كۆمكرنا وێنەیان ب تایبەتی ژدەرڤە بوویە و پشكا ئێكێ ئەوا بەرێز عەبدولعەزیز تەیب چاپكری من ب دیزاین و كوالیتی و فەبارەكێ باشتر دروستكریە و چەندین وێنەیێن دی من لێ زێدەكرینە و پاشان پشكا دویێ ژی هاتیە تەمامكرن و هەردو پشك پتری هەشت سەد وێنەیێن تاخ و جادە و كەسایەتێن دهۆكێ دناڤ ئەڤێ ئەلبۆمێ دانە.
شڤانی گۆت: هەركارەكێ مرۆڤ بكەت یێ ب ساناهی نینە و هندی من هێز هەی وێنە ب دەست من مە كەفتین من كومڤە كریە چ ژناڤ باژێرێ دهۆكێ و مالێن ئەوان دگەل هندەك كەسێن نیاس دهۆكێ وەكو خال ناڤ مالباتێن دهۆكیان من وەرگرتینە و هندەك ژی من یێن كرین هندەك وێنەگرێن دهۆكێ هەبوون پاشی چووینە موسل و بەغدا و ئەز ل دووڤدا چوویمە هەتا كو بەغدا و من ژ ئەوان ژی كرینە و هندەك وێنە ژی ژ پەیچێن بیانی من وێنە ژ ئەوان كرینە و هندەكێن دیژی ژلایێ برادەران ڤە گەهشتینە دەستێ مە.
