ئەلبۆمەكا نوو یا سترانان دێ تۆماركەت
زنار تۆڤی:
هونەرمەند (حەسەن شەریف) د دیدارەكێ دا بۆ رۆژناما ئەڤرۆ گۆت: ئەڤە دو سال بوون من دڤیا هەلبەستەكا هونەرمەند زانا جەبەلی بكەمە ستران و بێژم، لەوما من سترانا (وەرە دا بچین) كو ژ پەیڤ و ئاوازێن وی بوون من گۆت و نوكە كاری ل سەر تۆماركرنا ئەلبۆمەكا نوو یا سترانان دكەم، هەتا نوكە من هەشت ستران تۆمار كرینە، دێ هندەك ژ وان كلیپ كەم، هەروەسا ل چەند رۆژێن بۆری من كلیپەكا نوو ب ناڤێ (ئەسمەر) بەلاڤكر، ئەو ستران من ل وەلاتێ ئەلمانیا كلیپكر، هەروەسا من چەند سترانێن دی یێن سینگل ژی چێكرینە.
هەروەسا گۆت: بەرهەمەكێ دی یێ مەزن، كو ئەو ژی داستانا عیسێ دەلایە، من چێكریە، ژپەیڤێن ئەدیب چەلكی یە و نێزیكی هەشت خۆلەكان یا درێژە، سترانەكا دیرۆكی یە و دەربڕینێ ژ دیرۆكا دەڤەرا بەهدینان دكەت و كامیران بێتاسی دێ كارێ دەرهێنانا وێ كلیپێ كەت، هەروەسا من سترانەك بۆ فلمێ كۆلبەر ژی چێكریە و پایزا ئەڤ سالە من ل بەرە چەندین كلیپان بەلاڤ بكەم.
