ئەلقاسم: هندی سیستەمێ ڤارێ هەبیت نا ڤەگەڕینە خولێ
د روودانەكا كێم وێنە دا بۆ جارا ئێكێ د وەرزێ ئەڤ سالە یێ خولا ستێرێن ئیراقێ یا فوتبۆلێ دا یانەیا ئەلقاسم د خولەكا 38ێ دا خوە ژ یارییا خوە یا گەڕا 16ێ بەرانبەر یانەیا جەوییە ڤەكێشا پشتی داداڤانێ یاریێ سالم عامر پەنەلتیەك بۆ تیما جەوییە هژمارتی پشتی ڤەگەڕیان بۆ ڤارێ دیتنا دۆبارەكرنا ئەوێ لێككەفتنا گۆلپارێزێ ئەلقاسم و هێرشبەرێ جەوییە ئەیمەن حسێن و بڕیارا هژمارتنا پەنەلتیێ بۆ جەویە دا.
د نڤێسارا خوە یا فەرمی دا و هاتییە بەلاڤكرن تێدا هاتییە: یانەیا ئەلقاسم یا تووشی زولمەكا مەزن دبیت د خولا ستێرێن ئیراقێ دا، بەری ڤێ یاریێ دگەل نەورۆز پەنەلەتییەكا نە دروست دژی مە هاتە هژمارتن سەراریی بەلگەیێن مە كو نە پەنەلتییە ودادڤان عادل ئەلقەساب ئەڤچەندە دۆپاتكر، یارییا دگەل جەوییە ژی دۆبارە بوویە، پەنەلتییەكا ب كەنی و سەرسۆرمان بۆ وان چێكر، لەوما مە بڕیا ردا د خولەكا 38ێ خوە ژ یاریێ ڤەكێشێن و زولمێ قەبیل ناكەین، ئەم رژدین و نە ڤەگەڕێن هندی سیستەمێ ڤارێ و ئەڤ دادڤانە هەبن، هەتا نوكە 15 مە ژدەستداینە ژبەر ڤارێ ئێدی ئەم د رازی نینن.
