ئەلمانیا: رۆسیا بوویە مەترسیەکا مەزن بۆ ئۆرۆپا
وەزارەتا دەرڤە یا ئەلمانیا د داخویانیەکێ دا راگەهاند، کو نها رۆسیا بوویە مەترسیەکا گەلەک مەزن بۆ هەموو ئۆرۆپا، رۆسیا بەرهەڤ نینە شەڕێ نها ل ئۆکرانیایێ بدەتە راگرتن و پوتینی دڤێت ب هەر رەنگێ هەی ل ئۆکرانیایێ سەرکەڤیت، بێگومان ئارمانجا رۆسیا دیارە، چونکی رۆسیا دڤێت پشتی سەرکەفتنا ل ئۆکرانیایێ ئێرشی هندەک وەلاتێن دی یێن ئێکەتیا ئۆرۆپا بکەت، ئەو یەک ژی نیشا ددەت نیەتا رۆسیا و پوتینی گەلەک خرابە و دڤێت هەموو وەلاتێن ئێکەتیا ئۆرۆپا و ناتۆ ل دژی بزاڤێن مەترسیدار یێن پوتینی یا پێدڤی بکەن.
وەزارەتا دەرڤە یا ئەلمانیا ئەو یەک ژی دیار کریە، زێدەبارێ بزاڤێن ئەمریکا و گەلەک وەلاتێن دی یێن بۆ ئاشتیێ، لێ رۆسیا بەرهەڤ نینە شەڕی راگریت و پوتینی دڤێت ب زۆرێ پشکەک ژ ئاخا ئۆکرانیایێ داگیر بکەت و وی وەلاتی لاواز بکەت، بێگومان سەرکەفتنا رۆسیا ل ئۆکرانیایێ دێ وەسا کەت رۆسیا ئێدی بێی ترس ئێرشی وەلاتێن ئۆرۆپی بکەت.
