ئەلمانیا سەبارەت ب رەوشا رۆژهەلاتا ناڤین هۆشداریێ ددەت
وەزیرا دەرڤە یا ئەلمانیا راگەهاند، ئسرائیل بەردەوام هێزێن خوە ل سەر سنۆرێ لوبنانێ زێدە دکەت و بەرهەڤیان بۆ ئۆپەراسیۆنەکا سەربازی دکەت، ئەو یەک دێ ئەنجامێن گەلەک خراب بۆ رۆژهەلاتا ناڤین هەبن، هەر شەڕەک د ناڤبەرا ئسرائیلێ و حزبوللا یا لوبنانی دا روو بدەت دێ کاریگەریا خوە ل هەموو رۆژهەلاتا ناڤین کەت و دێ رۆژهەلاتا ناڤین تووشی شەڕەکێ مەزن بیت، ژ بەر ڤێ یەکێ ژی وەکو ئەلمانیا وان دڤێت ئسرائیل خوە ژ کارەکێ وەسا دوور بکەت، چونکی ئەو یەک د بەرژەوەندیا چو ئالیەکێ دا نینە.
ئەنالینا بێربۆک ئەو یەک ژی دیار کر، مە نەڤێت رەوشا رۆژهەلاتا ناڤین ئالۆزتر لێ بهێت و ژ بۆ کو چو شەڕێن دی روو نەدەن ئەم ل گەل هەڤپەیمانێن خوە ل دەڤەرێ کار دکەین، مە دڤێت هەموو پرسێن هەی دوور ژ شەڕی بهێنە چارەسەرکرن، گرنگە ئسرائیل و حزبوللا هەست ب بەرپرسیاریا خوە ل هەمبەر خەلکێ سڤیل بکەن، چونکی هەر شەڕەک دێ بیتە ئەگەر جارەکا دی ژن و زارۆ ببنە قوربانی.
