ئەلهۆیێن چیا چاڤ ل نێجیرا سێیێ نە و كوڕێن خابووری رژدن بۆ قەرەبوویا خوسارەتیێ
قەیس وەیس:
چاڤەڕێ دهێتە كرن ئەڤرۆ و سوبەهی 10 یاریێن گەڕا 35ێ ژ هەڤڕكیێن خولا ستێرێن ئیراقێ یا فوتبۆلێ ل یاریگەهێن جودا یێن ئیراقێ و هەرێمێ بهێنە ئەنجامدان ئەوێن دێ زێدەتر یاریێن ئاگرین بن بۆ یانەیێن رێزبەندیێن پێشیێ و یانەیێن بزاڤێن خوە قورتالكرنێ دكەن.
بڕیارە سوبەهی ل دەمژمێر 7:30 شەڤ تیما یانەیا دهۆك ل یاریگەها زورا ببیتە مێڤانا یانەیا نەفت یا بەغدایی د یارییەكا ب هێز دا، تیما ئەلهۆیێن چیا د دەمەكێ باش دا دەربازدكەت تایبەت پشتی دو سەركەفتنێن ل دووڤ ئێك یێن گەڕێن بوری كو بوویە ئەگەر خالێن خوە بگەهینتە 55 خالان و خوە ل رێزا شەشێ موكمبكەت، ژ 14 سەركەفتن و 13 وەكهەڤی و حەفت خوسارەتی، د بەرانبەر دا تیما نەفتێ ل رێزا 10ێ دهێت ب 43 خالان، دیدارێن هەردو تیما پێنج سەركەفتن دگەل پێنج خوسارەتی بۆ دهۆكێ و حەفت وەكهەڤی هاتینە، ئەحمەد خەلەف راهێنەرێ تیما یانەیا دهۆك گەشبینە بۆ ڤێ یاریێ ژی بەردەوامبیێ بدەتە سەركەفتنان، لێ راهێنەرێ نەفت باسم قاسم ژی خودان پلان و هزرە، لەوما دبیت یارییەكا ب زەحمەت بیت بۆ ئەلهۆیێن چیا.
زاخۆ دێ بزاڤێن قەرەبوویا خالان كەن
هەر سوبەهی رۆژا پێنج شەمبی پشتەڤانێن یانەیا زاخۆ ب ژڤانن بۆ دیدارەكا چاڤەڕێ كرن ل دەمژمێر 7:30 دەمێ ل یاریگەها خوە مێڤاندارییا یانەیا كەربەلا دكەن، كوڕێن خابووری د یارییا بوری دا بەرانبەر نەفت ئەلمیسان تووشی خوسارەتیەكا نە چاڤەڕێ كری بوو بوو ئەگەر خالێن وێ ب هژمارەیا 59 خالان ل رێزا پێنجێ بمینن، لێ بۆ ڤێ یاریێ هەكە سەركەفتن و تیما خودانا چارێ تووشی خوسارەتیێ بوو وی دەمی دێ دەلیڤەكا باش بیت ڤەگەڕێتە رێزا خوە یا بۆ زێدەتر دو مەهان پاراستی ئەوژی یا چارێ یە، د بەرانبەردا تیما كەربلا خودانا سوپرایزایە د ئەنجامێن وەكهەڤییان ئەوا 14 وەكهەڤی هەین و 36 خال هەین رێزا 15ێ دهێت، دیدارێن هەردو زاخۆ پێنج سەركەفتن و شەش خوسارەتی و پێنج وەكهەڤی یێن هەین، د پرێسكۆنفرەنسەكی دا نەبیل عەواد هاریكارێ راهێنەرێ زاخۆ دیاركربوو بۆ ڤێ یاریێ دڤێت قەرەبوو بكەین خالێن یارییا بوری و گەشبینییا خوە د یاركر ب پشتەڤانییا جەماوەری دێ گەهنە ئارمانجا خوە.
هەولێر دێ بزاڤێن ئێكلا كرنا مانا خوە كەن و نەورۆز بۆ ڤەگەڕاندنا سێ خالانە
:ژلایێ دیڤە ئەڤرۆ چارشەمبی ل دەمژمێر 7:30 شەڤ تیما یانەیا هەولێر دێ ل یاریگەها خوە مێڤاندارییا یانەیا نەجەف كەت ب ئارمانجا قەرەبوویا خالێن یارییا بوری و ئێكلاكرنا مانا خوە د خولێ دا ئەوا نوكە ب36 خالان رێزا 14ێ دهێت، لێ یانەیا نەجەف پارییەكێ ب سانەهی نابیت ئەوا ل گەڕا بوری سەركەفتن ل سەر نەورۆز ئینایی دێ بزاڤێ كەت ل سەر هەولێرێ ژبینت و جهێ پارێزیت كو نوكە ب62 خالان رێزا چارێ دهێت، د یارییەكا دی دا یانەیا نەورۆز سوبەهی دەمژمێر پێنجێ ئێڤاری دێ ل باژێرێ بەغدا بیتە مێڤانا یانەیا كەرخ، نەورۆزێ 51 خالێن هەین رێزا حەفتێ دهێت، كەرخ 32 خال هەنە رێزا 16ێ دهێت.
ژ یاریێن دی یێن خولێ، ئەڤرۆ، ئەلقاسم- نەفت ئەلوەسەت، زەورا- حدود، ئەمانەت بەغدا- جەوییە، كارەبا- تەلەبە، یاریێن سوبەهی، شورتە- نەفت ئەلبەسرا، مینا- نەفت میسان.
رێزبەندییا خولێ هەتا گەڕا 34ێ.
1- شورتە 77 خال.
2- جەویە 72 خال.
3- زەورا 69 خال.
4- نەجەف 62 خال.
5- زاخۆ 59 خال.
6- دهۆك 55 خال.
7- نەورۆز 51 خال.
8- تەلەبە 46 خال.
9- حدود 45 خال.
10- نەفت 43 خال.
11- نەفت ئەلمیسان 42 خال.
12- كارەبا 39 خال.
13- مینا 37 خال.
14- هەولێر 36 خال.
15- كەربەلا 36 خال.
16- كەرخ 32 خال.
17- ئەلقاسم 31 خال.
18- نەفت ئەلبەسرا 28 خال.
19- ئەمانەت بەغدا 24 خال.
20- نەفت ئەلوەسەت 15 خال.
