ئەلیسۆنی ئۆفەرێن گرانبها ڕەدكرن
گۆلپارێزێ هەلبژارتیێ بەرازیل و یانەیا لیڤەرپۆلا ئنگلتەرایێ ئۆقەرا هەردو یانەیێن فرەنسی و توركی ڕەدكر و مانا خوە دگەل یانەیا خوە ئێكلاكر، ئەڤچەندە هات پشتی ب دووماهی هاتنا وەرزێ 2024-2025 یا خولا پریمەر لیگ و دەنگۆیێ چوونا وی ژ لیڤەرپۆلێ.
رۆژنامەیا سكایی یا ئەلمانی خۆیاكر كو یانەیا گالاتا سەرایی یا توركی كۆژمەیێ 24 ملیۆن یۆرۆ وەكو بلندترین ئۆفەر پێشكێشی گۆلپارێزێ هەلبژارتیێ بەرازیلی ئالیسۆن پیكەر كرییە، ژبۆ چارەسەكرنا هێلا گۆلپارێزیێ پشتی چوونا فرناندۆ مۆسلێرا،هەرچەندە گرێبەستا ئەلیسۆنی هەتا هاڤینا 2027ێ یە لێ ڕەدكر ئەو لیڤەرپۆلێ ب هێلیت و مانا خوە ئێكلاكر.
ژلایەكێ دووڤە هاتە ڕاگەهاندن یانەیا لیۆن یا فرەنسی ژی ل سەر هێلە و ئۆفەرەكا مەزن پێشكێش كرییە، بۆ هندێ ڕازیبیت بچیتە دناڤ رێزێن تیما وێ دا، لدووڤ ژێدەران ئۆفەرا لیۆنێ زێدەترە ژ یا گالاتا سارایی.
