ئەلیگری: بوو یاریا دوێ ئەوان دێ ئاخفتنا خوە بوو سیمیونی ھەبیت
ئەڤرۆ نیوز:
راھێنەرێ یانا یوڤانتوس یا ئیتالی پشتی خوسارەتیا شەڤا بوری ل گەل یانا ئەتلەتیکو مەدرید ژ چارچوڤێ یاریێن قوناغا ١٦ ژ قارەمانیا چامپیونیز لیگا ئورۆپا دیارکر ھێشتا ئەوان دەلیڤەیا دەربازبوونێ بوو قوناغا ھەشتێ مایە .
زێدەتر ماسیمیلیانو ئەلیگری بۆ مالپەرێ کاتشیو مێرکاتو یێ ئیتالی دیارکر شێوازێ کرنا یاریێ یێ ھەردو تیما وەکو ئێک بوو ، و ل جارێکا دووماھیێ یانا ئەتلەتیکو مفا ژ دو دەلیڤەیێن تەپێن بلندکری دیت لێ ئەوان بوو یاریا دوێ دێ ئاخفتنەکا دی بوو وێ یاریێ ھەبیت و ئەوی باوەریەکا مەزن ب شیانێن تیما خوە ھەیە دێ خوە ژ رێیا ئەتلەتیکو مەدرید قورتال کەن.
سەبارەت وێ راڤتارا راھێنەرێ ئەتلەتیکو دیگو سیمیونی ناڤبری دیارکر یا گرنگ نینە ل دەڤ ئەوی کا سیمیونی چ كربيت و هه‌ر که‌سه‌ک وه‌کو خوه راڤتارێ به‌رامبه‌ر یێ خوه دکه‌ت و یا گرنگ ئه‌وه نوکه هزر ل یاریا دوێ بکەن و پلانەکا باش بدانن بوو دەربازبوونێ و پاش ب ئاستێ خوه یێ باش به‌رسڤا راهێنه‌رێ ئه‌تله‌تیکو بده‌ین .
ھەژی گوتنێ یە ل شەڤا بوری یانا ئەتلەتیکو مەدرید ل یاریگەھا خوە شیابوو سەرکەفتنێ ل سەر یانا یوڤانتوس توماربکەت ب دو گولان بێ بەرامبەر و بریارە ل ١٢-٣-٢٠١٩ یاریا دوێ ل یاریگەھا یوڤانتوس بھێتەکرن
