ئەمریکا: ئیران ئەگەرێ سەرەکی یێ ئالۆزیێن رۆژهەلاتا ناڤینە
وەزیرێ دەرڤە یێ ئەمریکا راگەهاند کو وان دڤێت ئالۆزیێن نها ل رۆژهەلاتا ناڤین بهێنە چارەسەرکرن دا رەوشەکا دەڤەرێ ژی ئارام بیت، لێ مخابن ئیران گەلەک ئاستەنگان دروست دکەت، نها ئیران جارەکا دی دڤێت ل لوبنانێ ئالۆزیان دروست بکەت، هەکە بەرپرسێن ئیرانێ ل سەر هەلوەستێ خوە یێ نها بۆ ئالۆزکرنا رەوشا رۆژهەلاتا ناڤین بەردەوام بن ئەمریکا و ئسرائیل ل هەمبەر ئیرانێ بێدەنگ نامینن و دێ یا پێدڤی کەن.
مارک روبیۆ ئەو یەک ژی دیار کر، وان بەری نها هۆشداری داینە ئیرانێ کو دەستێوەردانێ د کاروبارێن ناڤخوەیی یێن وەلاتێن رۆژهەلاتا ناڤین دا نەکەت و ب تایبەتی ژی دەست ژ هاریکاریا حزبوللاهێ بەردەت، لێ ئیران هەتا نها ژی هاریکاریا حزبوللاهێ و گرۆپێن دی یێن تیرۆرستی دکەت و ژ بەر ڤێ یەکێ ژی وەکو ئەمریکا ئەو دێ ل گەل ئسرائیلێ یا پێدڤی ل دژی ئیرانێ کەن، چونکی ئیران بوویە مەترسیەکا گەلەک مەزن ل سەر بەرژەوەندیێن ئەمریکا ل رۆژهەلاتا ناڤین.
