ئەمریکا: ئیران دێ بەرسڤا ئێرشا ئسرائیلێ دەت
پەت رایدر پەیڤدارێ وەزارەتا بەرگریێ یا ئەمریکا دیار کر، ئیران یێ بەرهەڤیان دکەت و دخوازیت ب توندی بەرسڤا ئێرشا ئسرائیلێ بدەت، هەکە ئیران کارەکێ وەسا بکەت ئەو یەک دێ بیتە ئەگەرێ ئالۆزیێن زێدەتر ل رۆژهەلاتا ناڤین و ژ بەر ڤێ یەکێ ژی گرنگە ئیران بەرسڤا ئسرائیلێ نەدەت.
ناڤهاتی ئەو یەک ژی دیار کر، هەکە ئیران کارەکێ وەسا بکەت ئەو وەکو ئەمریکا دێ ب توندی بەرسڤا ئیرانێ دەن، چونکی وەکو ئەمریکا ئەو دێ ئسرائیلێ پارێزن و جارەکا دی ئەو داخواز ژ ئیرانێ دکەن کو ب چو رەنگەکێ هزرا ڤێ یەکێ نەکەت ئێرشی ئسرائیلێ بکەت.
پەیڤدارێ وەزارەتا بەرگریێ یا ئەمریکا ئەو یەک ژی دیار کر، هەر ئالۆزیەکا نوو ل دەڤەرێ دێ بیتە ئەگەرێ شەڕەکێ مەزن و ئەو یەک دێ زیانا خوە بۆ هەموو وەلاتێن رۆژهەلاتا ناڤین هەبیت، ژ بەر ڤێ یەکێ ژی ئەو هۆشداریێ ددەنە ئیرانێ کو ئێرشی ئسرائیلێ نەکەت.
