ئەمریکا بریارەکێ د بەرژەوەندیا ئیرانێ دا ددەت
ئەڤرۆ:
بەرپرسەکێ وەزارەتا دەرڤە یا ئەمریکا راگەھاند کو وەزیرێ دەرڤە یێ ئەمریکا ئانتۆنی بلینکن د نامەکێ دا بۆ کۆنگرێسی دیار کریە کو وان دڤێت حوسیێن یەمەنێ ژ لیستا تیرۆرێ دەربخینن دا حوسی بشێن د پرۆسێسا ئاشتیێ ل یەمەنێ دا پشکدار بن.
ئەو یەک د دەمەکێ دایە کو د سەردەمێ کابینا دۆنالد ترامپ دا ئەمریکا حوسیێن یەمەنێ کو ئیران پشتەڤانیێ ل وان دکەت کرە د ناڤ لیستا رێکخراوێن تیرۆرستی دا.
چاڤدێرێن سیاسی ژی دیار دکەن کو بریارا ئەمریکا د بەرژەوەندیا ئیرانێ دایە و دێ بیتە ئەگەرێ ھندێ کو جارەکا دی پێگەھێ ئیرانێ ل یەمەنێ ب ھێز کەڤیت.
